The Definitive Guide to Living in the Capital , Cairo , Egypt

الحياة في كايرو

اتخلص من المخلفات الإلكترونية بطريقة آمنة واستلم هديتك.. 5 معلومات عن تطبيق E-Tadweer

E-Tadweer التخلص الآمن من النفايات تحميل تطبيق E-Tadweer تطبيق E-Tadweer تطبيقات مفيدة
اتخلص من المخلفات الإلكترونية بطريقة آمنة واستلم هديتك.. 5 معلومات عن تطبيق E-Tadweer
    بواسطة
    Mohamed Talaat

    مصر بتتغير للأفضل.. دي حقيقة ماحدش يقدر ينكرها، كل يوم فيه أفكار هايلة الهدف منها بلدنا تكون أجمل.. ومن الأفكار المهمة اللي ظهرت مؤخرًا، تطبيق E-Tadweer اللي بيعتبر أول وسيلة مصرية رقمية للتخلص الآمن من المخلفات الإلكترونية، في الموضوع ده هنعرفكم أكتر على التطبيق وطريقة استخدامه.

     

    1- المرحلة الأولى من التطبيق بيتم من خلالها جمع مخلفات أجهزة الاتصالات وتكنولوجيا المعلومات الصغيرة القديمة أو اللي مابقتش شغالة، زي الحاسب الآلي المحمول، الشواحن، الكاميرات، ألعاب الفيديو، البلاي ستيشن، الهواتف المحمولة وشاشات الكمبيوتر صغيرة الحجم، والمرحلة الثانية هيتم فيها تفعيل الجمع من المنازل علشان يقدر المستخدم يتخلص من الاجهزة المنزلية كبيرة الحجم زي الغسالات، والثلاجات، والبوتجازات و شاشات التلفزيون كبيرة الحجم.

    2- بيتيح التطبيق للمواطن الإبلاغ عن المخلفات في بيته وفي المقابل بيحصل على كوبونات تخفيض من عدد من شركاء التطبيق.

    3 – بيتم التخلص الآمن من المخلفات اللي بيتم جمعها من خلال المصانع الرسمية في مصر لإعادة التدوير.

    4 – بيتم تحميل التطبيق من App store or Google play، وبعدها بتدخل بريدك الألكتروني لإنشاء حساب جديد أو ممكن تسجل باستخدام حساب الفيسبوك أو Apple، وفي حالة التسجيل بالبريد الألكتروني بتقوم بتأكيد حسابك عن طريق البريد الإلكتروني المستخدم.

     5 – بعد التسجيل بتفتح التطبيق وبتضغط علي علامة البلس (+) أعلي الشاشة لاختيار نوع المخلف من الخيارات المتاحة، وبعدها بتقوم بتصوير المخلفات الإلكترونية اللي في بيتك أو شغلك، مع كتابة البيانات المطلوبة، وبعدها بتختار هديتك وبتحدد أقرب مكان ليك لتسليم المخلفات وتفعيل قسيمه الخصم.

    مقترح