احتفال بنور الهُدى: اعرف موعد إجازة المولد النبوي وباقي العطلات الرسمية في 2025
إجازات رسمية مصر 2025 إجازة 6 أكتوبر إجازة المولد النبوي 2025 المولد النبوي في القاهرة ثورة يوليو جدول الإجازات دار الإفتاء المولد موعد المولد النبوي
Cairo 360
الصورة: David Monje
المولد النبوي مش بس مناسبة دينية.. دي واحدة من أجمل وأقدم العادات اللي بيحتفل بيها المصريين، خصوصًا في القاهرة، من قرون طويلة. حلويات المولد اللي بتملأ الشوارع، والأنوار والزينة، والمدائح النبوية في المساجد، كلها طقوس بتعكس حب المصريين للنبي محمد عليه الصلاة والسلام، وبتحول اليوم ده لاحتفالية روحية واجتماعية مميزة جدًا.
سنة 2025، كتير من الناس بيدوروا على موعد الإجازة الرسمية الخاصة بالمولد النبوي، باعتبارها أقرب إجازة جاية وكمان بتكون مدفوعة الأجر للموظفين، وده حسب قانون العمل المصري.
وطبقًا للمعهد القومي للبحوث الفلكية، موعد إجازة المولد النبوي هيكون يوم الخميس 12 ربيع الأول 1447 هـ، واللي بيوافق 4 سبتمبر 2025 ميلاديًا.
الاحتفال بالمولد النبوي مش بدعة زي ما بيقول بعض الناس، بل بالعكس، دار الإفتاء المصرية أكدت إن المناسبة دي من مظاهر الفرح والاحتفاء بميلاد النبي، وهي سنة حسنة بيجتمع فيها الناس على الذكر، والإنشاد، ومدح النبي، وكمان بيشاركوا بعض بالأكل والصدقات.
طب وباقي الإجازات الرسمية في 2025؟
لسه باقي في السنة دي يومين هيكون إجازة رسمية:
الأربعاء 23 يوليو: إجازة ذكرى ثورة 23 يوليو.
الإثنين 6 أكتوبر: إجازة عيد القوات المسلحة.
يعني لسه فيه شوية راحة جاية في الطريق! خليك دايمًا متابع معانا على كايرو 360 علشان توصلك كل التحديثات والخطط في مواسم الإجازات.
