The Definitive Guide to Living in the Capital , Cairo , Egypt

الحياة في كايرو

استعد للإقلاع يا “كابتن”.. مكان في القاهرة بيوفر لك تجربة قيادة طائرة

ISim Egypt Flight Simulator رحلة طيران سيتي ستارز طيران نماذج محاكاة طائرة في مصر نموذج محاكاة
استعد للإقلاع يا “كابتن”.. مكان في القاهرة بيوفر لك تجربة قيادة طائرة
    بواسطة
    Mohamed Talaat

    السفر بشكل عام متعة، والسفر بالطيارة والتحليق في الجو متعة أكتر، والأمتع من ده كله انكم تكونوا بتوجهوا الطيارة وتبقوا “كابتن” في كابينة القيادة، وده اللي بيوفره مكان في القاهرة اسمه iSim Egypt Flight Simulator، واللي بيوفر لك نموذج محاكاة لتجربة طيران كأنها حقيقية بكابينة طيارة إير باص A320.

    فريق كايرو 360 هيقول لكم على كل اللي محتاجين تعرفوه عن التجربة وتفاصيلها.

    تجربة الطيران اللي بتقدمها iSim Egypt Flight Simulator بتكون كأنها حقيقية بنسبة 90%، وتقدروا تختاروا المكان اللي حابين تعملوا فيه الهبوط علشان تلفوا العالم وأنتم في مكانكم، وكمان هتختاروا الجو هيكون عامل إزاي “مشمس – دافئ – غيوم – أمطار.. الخ”، سواء كان بالليل أو النهار، وبيكون معاكم كابتن بيوجهكم طول الرحلة بداية من الإقلاع والدوران والهبوط.

    iSim Egypt Flight Simulator  بتوفر 3 اختيارات لتجربة نموذج محاكاة الطيران، الأول بيكون 15 دقيقة وده سعره 500 جنيه، و30 دقيقة، ودي سعرها 700 جنيه، وساعة كاملة وسعرها 1000 جنيه، وفي كل الأحوال بيكون معاكم كابتن متخصص بيشرح لكم كل التفاصيل، والأسعار دي لشخص واحد فقط ومسموح يكون فيه شخص كمان كمرافق ولكن ماينفعش تبدلوا الأماكن مع بعض.

    تجربة محاكاة الطيران بتشتغل يوميًا من 10 صباحًا حتى 12 مساءً، ومتاح للأطفال من سن 10 سنوات التجربة لوحدهم، ولو الطفل أصغر من كده لازم يكون معاه مرافق.

    هما موجودين في سيتي ستارز – بوابة 6 – الدور الرابع – بجوار مطعم أبو السيد.

    وتقدروا تحجزوا من خلال رقم التليفون: 01065473010.

    وعلشان تعرفوا أكتر زوروا صفحتهم على فيسبوك من هنا.

    مقترح