The Definitive Guide to Living in the Capital , Cairo , Egypt

الحياة في كايرو

اعتذار من الحكومة للقاهرة الإسلامية: آسفين على التشويه اللي حصل السنين اللي فاتت

تجميل القاهرة ترميم مباني القاهرة التاريخية تطوير العاصمة المصرية تطوير القاهرة الإسلامية تطوير القاهرة التاريخية مشاريع في القاهرة
اعتذار من الحكومة للقاهرة الإسلامية: آسفين على التشويه اللي حصل السنين اللي فاتت
    بواسطة
    Mohamed Talaat

    في خطوة إيجابية بتحمل رسائل مهمة، يمكن بتحصل لأول مرة في التاريخ المصري الحديث، قدمت الحكومة المصرية ممثلة في صندوق التنمية الحضرية، المسؤول عن تطوير القاهرة التاريخية، اعتذار رسمي لمباني القاهرة الإسلامية التاريخية.. إيه اللي حصل؟ التفاصيل في السطور الجاية.

    من ساعات، قدم المهندس خالد صديق، الرئيس التنفيذي لصندوق التنمية الحضرية، اعتذار معنوي لمناطق القاهرة التاريخية الإسلامية، وقال بالنص: “إحنا آسفين للقاهرة الإسلامية بسبب الأيادي اللي امتدت لها وشوهت منظرها وتاريخها”.

    الاعتذار ده بيقول رسائل كتير، عن الفكر الجديد اللي بيحصل في العاصمة المصرية، وعن إيمان الحكومة المصرية الحالية بأهمية تطوير أهم مدينة في المنطقة العربية وإعادة رونقها مرة تانية علشان تكون عاصمة ثقافية وتاريخية للمنطقة زي ما كانت زمان.

    وأضاف “صديق” خلال مداخلة هاتفية مع الإعلامية عزة مصطفى في برنامج “صالة التحرير”، أنه تم ترميم المباني في القاهرة التاريخية علشان تكون بواجهات إسلامية، وبالتالي ترجع مباني القاهرة الإسلامية التاريخية مرة تانية لأهميتها وقيمتها علشان تكون أجمل مدن العالم.

    وتابع المهندس خالد صديق، الرئيس التنفيذي لصندوق التنمية الحضرية، أن عزبة أبوقرن كانت أكبر منطقة عشوائية في مصر وجاري تطويرها حاليًا.

    وكشف أنه مش هيتم الاقتراب من أي مباني تاريخية أو إسلامية لهدمها، وإن تطوير القاهرة التاريخية هدفه الحفاظ على التراث العالمي الممتد.

    وكمل إن المهن الدخيلة على القاهرة التاريخية، زي الورش الحديثة المزعجة، هتخرج منها بكرامة، في محلات مرفقة وبها كافة الخدمات، مختتمًا كلامه بأنه هيتم خلال عام الانتهاء من تطوير واجهات القاهرة التاريخية.

    مقترح