The Definitive Guide to Living in the Capital , Cairo , Egypt

الحياة في كايرو

اعرف تفاصيل أحدث خدمة من Careem… أتوبيسات نقل جماعي في القاهرة

أتوبيس كريم كريم كريم باص مواصلات القاهرة نقل جماعي
اعرف تفاصيل أحدث خدمة من Careem… أتوبيسات نقل جماعي في القاهرة
بواسطة
Mohamed Talaat

شركة كريم أعلنت رسميًا عن إطلاق خدمتها الجديدة “كريم باص”، من خلال أبليكيشن جديد لسكان القاهرة الكبرى، والبداية هتكون بـ4 خطوط كتجربة هتغطي أحياء رئيسية بـ25 باص، زي المعادي، السادس من أكتوبر، التجمع الخامس، ومنطقة وسط البلد، علشان تكون أول خدمة نقل جماعي بخاصية الحجز الفوري مش الحجز المسبق زي  سويفل.

هدير شلبي مدير عام شركة كريم مصر قالت في مؤتمر صحفي إنهم عملوا دراسة أكدت لهم أن 40% من الشعب المصري مش بيستخدموا وسيلة نقل مناسبة، علشان كده هما أطلقوا الخدمة دي لتخفيف الزحمة نظرًا لأن النقل الجماعي بيخفف الزحمة بنسبة 70%، وأن كل 15 دقيقة هيكون فيه باص.

والخطوط الموجودة اللي بدأت الشركة تشغلها بالفعل أكتوبر المهندسين، وهتشتغل من 6:30 صباحًا حتى 7 مساءًا، وبيبدأ من مول سيتي سكيب – ويمر على المحور المركزي والحصري ومستشفى دار الفؤاد ومول العرب وهايبر وان الشيخ زايد وميدان لبنان وجامعة الدول العربية ومسجد مصطفى محمود وسينما التحرير حتى ميدان التحرير والعودة.

كمان فيه خط المعادي والتجمع، وبيتحرك 3:20 عصرًا لحد 6:27 مساءًا، وهيتحرك من كونيش المعادي بجوار بنك HSBC وهيعدي على بنزينة توتال – ميدان الحرية – ميدان بورسعيد – ميدان فيكتوريا – شارع النادي – طريق النصر – قطامية هايتس – رئاسة مدينة القاهرة الجديدة – مبدان مصطفى بغدادي – ميدان فاطمة الشوربتلي – ماونتن فيو – توليب بلازا – كونكورد بلازا  – شارع التسعين أمام بوابة 5 للجامعة الأمريكية.

أما التجمع المعادي، فهو بيمر بنفس الأماكن السابقة دي، ولكن من الساعة 6:30 صباحًا حتى 9:15 صباحًا.

وكمان فيه خط المعادي التجمع 2، من الساعة 6:30 صباحا حتى الساعة 9:15 صباحًا، ودا بيمر على كل ما سبق ذكره بداية من HSBC، للجامعة الأمريكية وزيادة كمان بيمر على الداون تاون ومنطقة البنوك وكايرو فيستيفال ومستشفى الدفاع الجوي، والعودة من التجمع للمعادي، والعودة بتكون بداية من 3:20 عصرًا ختى 6:27 مساءًا.

أما سعر الخدمة المتاحة حاليًا من خلال تطبيق خاص بيها 25 جنيها فقط للفرد مهما كانت المسافة، وهو سعر موفر جدًا بالنسبة لاستخدام السيارات أو التاكسي أو الأسكوتر من خلال التطبيق.

لينك التطبيق هنا.

خدمة العملاء: 0223667779

مقترح