The Definitive Guide to Living in the Capital , Cairo , Egypt

الحياة في كايرو

الافتتاح الرسمي كان زي النهارده من 58 سنة.. 5 معلومات عن مطار القاهرة الدولي

تاريخ مطار القاهرة حكاية مطار القاهرة ذكرى إنشاء مطار القاهرة
الافتتاح الرسمي كان زي النهارده من 58 سنة.. 5 معلومات عن مطار القاهرة الدولي
    بواسطة
    Cairo 360

    النهارده، 18 مارس 2021، بيمر على الافتتاح الرسمي لمطار القاهرة الدولي 58 سنة، لكن الحقيقة إن المبنى اللي افتُتح زي النهارده من عام 1963، له تاريخ أقدم وحكاية مهمة.. تعالوا نعرفها مع بعض من خلال 5 معلومات بيختصروا الحكاية:

    1 – رغم إن الافتتاح الرسمي لمطار القاهرة الدولي كان سنة 1963، إلا إن تاريخ إنشاء المطار نفسه بيرجع لسنة ١٩٤٢، وده لما شيدت القوات الجوية الأمريكية بالتعاون مع الجيش البريطاني مطار عسكري على بعد ٥ كيلومتر شمال مطار ألماظة، وكان الهدف هو خدمة قوات التحالف المشاركة في الحرب العالمية الثانية.

    2 – وقتها تم تسمية المطار باسم “مطار باين فيلد” نسبة إلى اسم الطيار الأمريكي “جون باين” اللي كان أول طيار أمريكي يتم قتله في معارك الحرب العالمية الثانية، وكان المطار كبير وبيضم مدرجين للطائرات، وبرج للمراقبة الجوية و٤ حظائر للطائرات.

    3 – لكن في ٢٢ إبريل من سنة ١٩٤٥ تم إنشاء مصلحة الطيران المدنى المصرية بعد ما كانت إدارة صغيرة بوزارة الحربية، وبعد انتهاء الحرب العالمية الثانية انتقل المطار وجميع المطارات المصرية اللي كانت تحت الإدارة البريطانية ومنشآت الطيران ومسؤولياته للجانب المصري، وده بالتحديد يوم ١٥ ديسمبر سنة 1946.

    4 – وقتها بدأت المصلحة الجديدة في تجهيز مطار مدني دولي يستوعب أكبر عدد من الحركة، فتم توسعة صالتي السفر والوصول لاستيعاب حركة الركاب القادمة والمغادرة للأراضي المصرية، وتم تخصيص مطار ألماظة للرحلات الداخلية.

    5 – في سنة ١٩٤٦ تم تغيير اسم المطار من مطار “باين فيلد” إلى “مطار فاروق الأول”، وبلغ عدد الركاب المسافرين خلال المطار في السنة دي حوالي ٢٠٠ ألف راكب، وبعد قيام ثورة يوليو تم تغيير اسم المطار لـ “مبنى المطار القديم”، وبدأت أعمال بناء جديدة لتوسعة المطار سنة ١٩٥٧ لاستيعاب الأعداد الكبيرة من المسافرين، ويوم ١٨ مارس من سنة ١٩٦٣ تم افتتاح “مطار القاهرة الدولي” بشكل رسمي، وبلغت القدرة الاستيعابية للمطار في الوقت ده ٥ ملايين مسافر سنويًا.

    مقترح