The Definitive Guide to Living in the Capital , Cairo , Egypt

الحياة في كايرو

العاصمة الإدارية والمونوريل والأتوبيس الترددي وأكتر.. مشروعات هتنور القاهرة في 2022

العاصمة الإدارية القطار الكهربائي المتحف الكبير المشروعات الجديدة في مصر المونوريل مشروعات القاهرة وزارة النقل
العاصمة الإدارية والمونوريل والأتوبيس الترددي وأكتر.. مشروعات هتنور القاهرة في 2022
    بواسطة
    Cairo 360

    القاهرة اتغيرت جدًا في السنين الأخيرة، أصبح فيها مشروعات ضخمة ومهمة رجعت للعاصمة المصرية عظمتها من جديد، في الموضوع ده، هنعرفكم على أبرز المشروعات اللي هتشوف النور في 2022، وهتخلي مدينتنا المفضلة أجمل بكتير.

     

    القطار الكهربائي

    القطار الكهربائي هيسهل حياتنا كتير، وهيغير المجتمعات العمرانية الجديدة في مصر، وهيتبادل خدمة نقل الركاب مع الخط الثالث للمترو والقطار الكهربائي السريع العين السخنة ‏/مطروح وكمان مونوريل شرق النيل (العاصمة الإدارية الجديدة).

     

    وبيتم تنفيذ المشروع على 3 مراحل:

    –  المرحلة الأولى، من محطة عدلي منصور ولحد محطة مطار العاصمة بطول 65.63 كم و11 محطة سطحية.

     

    –  المرحلة الثانية، من بعد محطة مطار العاصمة ولحد محطة مدينة الفنون والثقافة بطول 3.18 كم و1 محطة علوية (محطة الفنون والثقافة).

     

    –  المرحلة الثالثة، من محطة كاتدرائية الميلاد ولحد محطة العاصمة المركزية بطول 18.5 كم و4 محطات “3 علوية +1 سطحية”.

     

    افتتاح المونوريل

    في 2022، هيتم افتتاح مونوريل العاصمة الإدارية من العاصمة الإدارية الجديدة ولحد محطة مسجد المشير بطول نحو 45 كم، وده هيكون في نهاية مايو 2022.

     

    وبيتم تنفيذ خطين للمونوريل بإجمالي أطوال نحو 100 كم، وهيربط شرق القاهرة والقاهرة الجديدة والعاصمة الإدارية بخط قطار معلق، وهتصل مدة الرحلة 60 دقيقة من الاستاد لمدينة العدالة شرق العاصمة الإدارية.

     

    الانتقال للعاصمة الإدارية الجديدة

    2022 هو سنة العاصمة الإدارية الجديدة، ومن المقرر انتهاء الحكومة بشكل كامل من الانتقال الرسمي للعاصمة الإدارية، واللي بدأت بشكلٍ تدريجي خلال شهر ديسمبر 2021، وتم عقد أول اجتماع للحكومة في مقر مجلس الوزراء هناك.

    كمان هيشهد عام 2022، بدء تشغيل المونوريل لنقل الموظفين والمواطنين العاديين للعاصمة الإدارية، كمان هيتم تسليم عدد من الوحدات السكنية والفيلات اللي سبق وطرحتها من فترة هيئة المجتمعات العمرانية الجديدة.

     

    المرحلة الثالثة لمترو الأنفاق

    الهيئة القومية للأنفاق بتستعد للانتهاء من الأعمال الإنشائية للجزء الأول من المرحلة الثالثة للخط الثالث لمترو أنفاق القاهرة الكبرى في يونيو الجاي.

    وتكلفة تنفيذ المرحلة الثالثة من الخط الثالث للمترو (العتبة – الكيت كات – إمبابة – جامعة القاهرة) 940 مليون يورو، وهيبلغ طول المرحلة دي 17،7 كم وعدد المحطات هيكون 15 محطة وهيتم تنفيذ المرحلة دي على ثلاث مراحل:

     

    – المرحلة الأولى، بطول 4 كم وتشتمل على (4) محطات نفقية.

     

    – المحلة الثانية، بطول 6.6 كم وتشتمل على (1) محطة نفقية + (4) محطة علوية + (1) محطة سطحية.

     

    – المرحلة الثالثة، بطول 7،1 كم وتشتمل على (3) محطة نفقية + (1) محطة علوية + (1) محطة سطحية.

     

    تطوير الدائري

    بتسعى وزارة النقل، للانتهاء من المرحلة الأولى من مشروع تطوير الطريق الدائري خلال شهر يناير 2022، في إطار خطة توسعة الطريق الدائري وإنشاء طريق موازي بعد إلغاء السلالم.

    وبتخطط الوزارة، لمنع سير الميكروباص على الطريق الدائري، خلال شهر يناير 2022.

     

    الأتوبيس الترددي

    وزارة النقل شغالة على الانتهاء من أعمال محطات سير الأتوبيس الترددي السريع “BRT” على الطريق الدائري نهاية عام 2022، بعدد 57 محطة بطول 106 كم.

     

    تطوير محمية الغابة المتحجرة

    هتبدأ وزارة البيئة خلال 2022 في تطوير المحميات الطبيعية، والعمل على تطوير الغابة المتحجرة بالتجمع الخامس ومحميات أكتر خارج القاهرة.

     

    افتتاح المتحف الكبير

    هيشهد 2022، افتتاح المتحف المصري الكبير، بعد ما تم إنجاز 99% من إجمالي حجم الأعمال الهندسية، والانتهاء من الهيكل الخرساني والمعدني لمباني المتحف وأعمال التشطيبات الداخلية.

    وقال الدكتور خالد عناني وزير السياحة والآثار، إنه تم نقل وترميم أكثر من 55 ألف قطعة أثرية إلى المتحف والانتهاء من تثبيت 100% من القطع الثقيلة بالبهو والدرج العظيم.

     

    مقبرة توت عنخ آمون واحتفالات أكتر

    هيشهد عام 2022 احتفالات ضخمة، منها الاحتفال بمرور 100 سنة على اكتشاف مقبرة الملك توت عنخ آمون، وكمان مرور 200 سنة على فك رموز الكتابة المصرية القديمة ونشأة علم المصريات، ده غير احتفالية تعامد الشمس على معبد أبو سمبل بأسوان.

    مقترح