The Definitive Guide to Living in the Capital , Cairo , Egypt

الحياة في كايرو

العاصمة بتتغير.. اعرفوا المناطق المُحتمل منع البناء فيها نهائيًا في محافظة القاهرة

تطوير القاهرة مناطق ممنوع فيها البناء منع البناء في القاهرة وقف البناء في القاهرة
العاصمة بتتغير.. اعرفوا المناطق المُحتمل منع البناء فيها نهائيًا في محافظة القاهرة
بواسطة
Mohamed Talaat

العشوائية واحدة من أهم مشاكل القاهرة، والزحام ونقص الخدمات وتشويه المظهر العام نتائج كلنا بنحس بيها بسبب العشوائية في البناء، علشان كدة قسم التصميم العمراني والتخطيط بكلية الهندسة جامعة عين شمس، انتهى مؤخرًا من إعداد مسودة مشروع الاشتراطات البنائية الجديدة في محافظة القاهرة.

والمسودة دي هيتم مناقشتها من خلال فريق الهيئة العامة للتخطيط العمراني، وبعدها متوقع يتم إقرارها من جانب المجلس الأعلى للتخطيط العمراني لبدء تطبيقها.

وبحسب معلومات نشرها موقع مصراوي، تضمنت المسودة دي مقترحات بوقف البناء بشكل كلي في مناطق داخل 21 حي من أحياء العاصمة، اللي بيوصل عدد الأحياء فيها لـ 38 حي.

وبحسب توصيات المسودة، هيتم الوقف الكلي لأعمال البناء – ما عدا مشروعات الخدمات – لحد ما يتم الانتهاء من إعداد مخطط استراتيجي أو تفصيلي للمناطق دي.

المنطقة الشمالية:

طالبت المسودة بوقف البناء في مناطق فيها، وهي: (الأميرية، حدائق القبة، الساحل، الشرابية، شبرا، روض الفرج).

المنطقة الجنوبية:

طالبت المسودة بوقف البناء في مناطق فيها: وهي: (حلوان، التبين، المعصرة، المعادي، البساتين، دارالسلام، طره، مصر القديمة).

المنطقة الشرقية:

طالبت المسودة بوقف البناء في مناطق فيها وهي: (السلام أول، المرج، المطرية، شرق مدينة نصر، غرب مدينة نصر).

المنطقة الغربية:

طالبت المسودة بوقف البناء في: (بولاق، منشأة ناصر).

هل الخريطة دي نهائية؟

بحسب مصدر في وزارة التنمية المحلية، المسودة دي لم يتم اعتمادها بشكل نهائي لحد اللحظة دي، يعني هي أولية، وحاليًا بيتم مناقشتها في الهيئة العامة للتخطيط العمراني، وده بهدف إجراء أي تعديلات عليها قبل إقرارها بشكل نهائي.

مقترح