The Definitive Guide to Living in the Capital , Cairo , Egypt

الحياة في كايرو

الغابات المتحجرة.. جربت تخيم في أجمد محمية طبيعية في القاهرة؟

البيئة المحميات الطبيعية رحلات التخييم محميات في القاهرة محمية الغابات المتحجرة
الغابات المتحجرة.. جربت تخيم في أجمد محمية طبيعية في القاهرة؟
    بواسطة
    Mohamed Talaat

    مصدر الصور والمعلومات من هنا.

    لو كنتم من عشاق التخييم، يبقى أكيد سمعتم عن محمية الغابات المتحجرة، اللي بتعتبر واحدة من أندر المحميات الطبيعية في العالم، في الموضوع ده هنعرفكم أكتر على المحمية دي.. اللي هتحسوا بسعادة كبيرة لو قررتم تخيموا فيها في يوم، والجميل إنها قريبة مننا، وده لأنها في قلب القاهرة الكبرى.

    تقدروا تخيموا في محمية الغابات المتحجرة، وكل اللي هتحتاجوه إنك توصلوا لبوابتها، وهي موجودة في القاهرة الجديدة، وبالتحديد على بعد 18 كيلو متر شرق منطقة المعادي بمحافظة القاهرة، التجمع الخامس، شمال طريق القطامية والعين السخنة.

    مساحة محمية الغابات المتحجرة أكثر من 7 كم2، وبتعتبر أثر أرضي جيولوجي نادر مالهوش مثيل في العالم من حيث الاتساع ونوعية الخشب المتحجر، وبيتراوح سمكه من  70 – 100متر، والمحمية فيها جبل الخشب، اللي بيرجع للعصر الأوليجوسيني وهو مكون من طبقات رملية وحصى وطفلة وخشب متحجر.

    وبيعتبر التشكيل الطبيعي لجذوع الشجر هو أبرز المناظر الجميلة اللي بتميز المحمية دي.

    وبيعتقد العلماء أن الغابات المتحجرة تم تكوينها بعد ما جرف نهر النيل الأشجار دي من مسافات بعيدة واستقرت في المنطقة دي وبعدها اتحجرت.

    المحمية فيها كمان بعض الحيوانات المعرضة للانقراض، وعلشان كده قامت وزارة البيئة بضرورة تعريف الناس أكثر بالمحمية وإقامة أنشطة بيئية فيها من معارض ومعسكرات تخييم وحفلات شواء تحت مسمى الاستثمار البيئي، بالإضافة إلى إنشاء متحف مفتوح لتاريخ الحفريات بالغابة، بيحكي تاريخ الحفريات في الغابات المتحجرة، باعتبارها أثر جيولوجي نادر.

    مقترح