The Definitive Guide to Living in the Capital , Cairo , Egypt

الحياة في كايرو

المجمع الحرفي.. مناطق القاهرة التاريخية بدون ورش عشوائية

البديل لورش القاهرة المجمع الحرفي محافظة القاهرة نقل الورش لمنشأة ناصر ورش منطقة القاهرة التاريخية
المجمع الحرفي.. مناطق القاهرة التاريخية بدون ورش عشوائية
    بواسطة
    Mohamed Talaat

    الفترة دي مصر بتقوم بمشروع مهم لتطوير مناطق القاهرة التاريخية، علشان ترجع لشكلها بتاع زمان، وتكون أقرب لمتحف مفتوح نشوف فيه مساجد ومباني تاريخية عظيمة. لكن هل سألت نفسك إيه اللي هيحصل للورش الحرفية اللي كانت موجودة في مناطق القاهرة التاريخية؟ محافظة القاهرة بتنفذ حاليًا مشروع “المجمع الحرفي” واللي هيكون مكان بديل لورش القاهرة التاريخية، والمجمع ده هيكون في منطقة الحرفيين بحي منشأة ناصر.

    وأعلنت الحكومة المصرية إنه هيتم نقل كل الورش والمهن اللي مش متناسبة مع طبيعة منطقة القاهرة التاريخية للمجمع ده بمجرد الانتهاء منه، وده في إطار خطة تطوير منطقة القاهرة التاريخية لاستعادة رونقها السياحي والأثري.

    وبتبلغ مساحة أرض مشروع المجمع حوالي 60 فدان بحي منشأة ناصر، وبيتضمن إنشاء 15 عمارة سكنية بتضم كل عمارة 40 شقة بإجمالي 600 وحدة وبيبلغ مسطح الوحدة الواحدة 83 م2. كمان بيضم المجمع 3 عمارات بإجمالي 60 وحدة مسطح الوحدة الواحدة 75 م2.

    وهيضم المشروع 984 ورشة حرفية بمسطح بيتراوح بين 12 م2 و40 م2 للورشة الواحدة، بالإضافة لإقامة أسواق للجملة ومبايٍ خدمية للورش.

    هيتضمن المشروع كمان، مسجد وكنيسة ومدرسة مهنية ووحدة صحية ووحدة إسعاف وسجل مدني ووحدة إطفاء ونقطة شرطة ومخبز، بالإضافة لنادي اجتماعي ومباني خدمية أكتر.

    مقترح