The Definitive Guide to Living in the Capital , Cairo , Egypt

الحياة في كايرو

النهارده في القاهرة: أفلام أوروبية مميزة ومزيكا غربي هتبسطك

النهارده في القاهرة: أفلام أوروبية مميزة ومزيكا غربي هتبسطك
    بواسطة
    Cairo 360

    من وسط زحمة الشغل والروتين، اخطف لك دقيقتين كده على الماشي، واعرف فيهم هتخرج فين النهارده. من أجندة كايرو 360:

    سينما الزمالك النهارده هتعرض الفيلم الإيطالي “Perfect Strangers“. الفيلم بيدور عن مجموعة من الأصدقاء، بيتجمعوا على العشا مع بعض. ولما يقرروا يفتحوا رسايل وإيميلات كل واحد فيهم، بيكتشفوا إنهم مايعرفوش حاجة عن بعض. العرض هيكون في حفلة الساعة 7 بس.

    رباعي أوتار “بودليان” هيقدم حفلة موسيقية في مكان. الفرقة بتقدم مزيح من الموسيقى الغربية، لمؤلفين قدام ومعاصرين. الحفلة هتبدأ الساعة 8 مساءً. وسعر التذكرة: 40 جنيه.

     

    سيما الدكة، في دكة أضف هتعرض الفيلم الفرنسي “It’s Only the End Of The World“. واللي بيدور عن كاتب بيرجع لأهله بعد 12 سنة غياب، علشان يقولهم إنه بيقرب من الموت. ومع الوقت بتظهر مشاكل مختلفة وسط العيلة. العرض هيبدأ الساعة 7 مساءً. والدخول مجانًا.

    طلع كل مواهبك الغنائية مع أصحابك، في حفلة كاريوكي في رووم آرت سبيس. الحفلة هتبدأ الساعة 8 مساءً. وسعر التذكرة: 50 جنيه.

    Enjoy

    مقترح