النهارده في القاهرة: معرض كتاب وندوة عن السينما وحفل موسيقى وختام مهرجان المسرح
Cairo 360
ياترى القاهرة محضرة لنا إيه النهارده من فعاليات ممكن نغير بيها جو ونقضي وقت لطيف؟ تعالوا نشوف.
البداية هتكون من الحدث اللي ركزنا على بدايته امبارح وقلنا أنه حدث مهم لكل عشاق الكتب ورواد دور الثقافة.. معرض الساقية للكتاب، المعرض بدأ امبارح ولسه مستمر النهارده بمشاركة مكتبات ودور نشر كبير زي "ألف" و"الشروق".. غير الفعاليات الثقافية والفنية اللي بتقام على هامش المعرض يوميًا.. فعاليات المعرض مستمرة لحد 10:00 مساءً.
وداخل حدود الزمالك برضه هتستضيف علبة ألوان حفل موسيقي لفرقة "دكان" اللي بتعكس الحالة الشبابية في الموسيقى اللي بتقدمها، سعر التذكرة 50 جنيه شاملة المشروبات، والحفلة هتبدأ الساعة 8:00 مساءً.
ومن جاردن سيتي إحنا على معاد مع فعالية مميزة أخرى من فعاليات "أوزيريس" اللي بقت مؤخرًا منافس قوي لكل المراكز الفنية الكبيرة بفعالياتها المركزة والهادفة واللي حضورها في متناول الجميع.. النهارده المكان هينظم ندوة لختام المهرجان القومي للمسرح بحضور رئيس المهرجان والعديد من الأسماء المشاركة في لجانه المختلفة غير النقاد والصحفيين، الدعوة عامة.. والندوة هتبدأ 7:00 مساءً.
ومن عالم المسرح لعالم السينما هنختتم فعاليات اليوم من مركز "مدار" اللي هيستضيف فعالية اسمها "حواديت في حب السيما" بينظمها فريق "حالة" للكلام عن السينما وتفاصيل عالمها الواسع الممتع سواء من ناحية الأفكار أو من ناحية تأديتها.. تذكرة الحضور بـ 40 جنيه، والفعالية هتبدأ 8:00 مساءً.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
