The Definitive Guide to Living in the Capital , Cairo , Egypt

الحياة في كايرو

انطلاق الدورة الـ 10 لبانوراما الفيلم الأوروبي في القاهرة

انطلاق الدورة الـ 10 لبانوراما الفيلم الأوروبي في القاهرة
    بواسطة
    Mohammed Sabry

    يوم الأحد اللي فات، سينما الزمالك استضافت المؤتمر الصحفي، الخاص بانطلاق الدورة العاشرة لبانوراما الفيلم الأوروبي. واللي هتكون فعالياته في الفترة من 8 لـ 18 نوفمبر 2017.

    بانوراما الفيلم الأوروبي هي حدث سنوي، انطلق سنة 2004. بتتعرض خلاله أفلام روائية وتسجيلية، حازت على جوائز مختلفة في جميع أنحاء أوروبا. البانوراما بتجذب عدد أكبر من المشاهدين في كل سنة. وده بفضل ثراء التبادل الثقافي، والندوات اللي بتتعمل عن الأفلام. زائد جودة الأفلام اللي بتتعرض (من غير مقص الرقابة).

    الدور الـ 10 من البانوراما هيكون فيها 55 فيلم. والعروض هتكون في:

     – سينما زاوية في وسط البلد.

     – سينما الزمالك في الزمالك.

     – مركز سيماتك في وسط البلد.

     – المركز الثقافي الفرنسي في المنيرة.

     – مركز جوتة في الدقي.

    بانوراما الفيلم الأوروبي حدث سينمائي كبير ومهم لكل عشاق السينما، اللي عايزين يتعرفوا على السينما العالمية. وبيشوفوا فيها فيها أفلام مش بتعرضها دور السينما التانية في مصر.

    تقدروا تعرفوا تفاصيل أكتر من هنا.

    مقترح