The Definitive Guide to Living in the Capital , Cairo , Egypt

الحياة في كايرو

“بابا نويل في إجازة”.. حكاية “باتمان” المصري اللي بيوزع هدايا في شوارع القاهرة (صور)

الرجل الوطواط في القاهرة باتمان في شوارع القاهرة باسم رؤوف شباب مصر كورونا
“بابا نويل في إجازة”.. حكاية “باتمان” المصري اللي بيوزع هدايا في شوارع القاهرة (صور)
    بواسطة
    Mohamed Talaat

    أغلبنا بيحلم في كل سنة في الوقت ده، إنه يقابل شخصية “بابا نويل” الخيالية، علشان يدينا هدية حلوة نفسنا فيها، والحلم ده في خيالنا من وقت الطفولة، لكن السنة دي، 2020، وبما إنها سنة مختلفة في كل حاجة، فيه نموذج تاني ظهر بشكل حقيقي في شوارع القاهرة، وهو “باتمان” أو “الرجل الوطواط”، واللي فعلًا بيوزع هدايا حقيقية مناسبة للظروف اللي بيمر بيها عالمنا حاليًا بعد انتشار فيروس كورونا المستجد (كوفيد 19).

    تعالوا نعرف حكاية “باتمان” المصري وعربيته الغريبة، والهدايا اللي بيوزعها على المصريين.

    في خطوة مثيرة للدهشة، قرر شاب مصري ارتداء ملابس شخصية “باتمان” أو “الرجل الوطواط”، بهدف نشر الوعي بين الناس بشأن خطورة فيروس “كورونا”، وقال الشاب ده إنه في الزمن ده “بابا نويل” أصبح خارج الخدمة، وإن الناس محتاجة لشحصية أقوى منه تعلمهم حماية نفسهم من الفيروس اللي تسبب في قتل كتير من البشر.

    القصة باختصار، إن باسم رؤوف، عمره 28 سنة، قرر الخروج بعربيته، اللي بتشبه فعلًا عربية “الرجل الوطواط”، في شوارع المنطقة اللي بيسكن فيها في القاهرة، وبيشاور للناس بسعادة، وأي حد بيطلب يتصور معاه بيوافق فورًا وبدون تردد علشان ينشر البهجة بين الناس.

    لكن باسم رؤوف، وبسبب أحداث جائحة “كورونا”، بيقوم كمان بتوزيع الكمامات بشكل مجاني على الناس، وبيكلمهم عن ضرورة حماية نفسهم وغيرهم من الفيروس.

    وقال رؤوف، وهو صاحب شركة خاصة: “السنة دي، إحنا مش محتاجين بابا نويل، لكن محتاجين شخصية أسطورية معروفة في العالم تقدر تنقذ الناس، سواء صغيرين أو كبار، من فيروس كورونا”.

    والسبب بحسب باسم هو إن “شخصية “باتمان” محبوبة من الكبار والصغار، وبالتالي هتقدر تساعده في التوعية بخطورة “كورونا” وهتسهل له عملية توزيع الكمامات بين الناس، خصوصًا الأطفال اللي بيحتاجوا قدر أكبر من الوعي”.

    وبالنسبة لعربيته اللي بتشبه بشكل كبير عربية شخصية “باتمان” الخيالية، قال باسم إنه كان بيحلم من طفولته يكون عنده عربية زي عربية الرجل الوطواط لما يكبر، وبالفعل اشتراها وحقق حلمه.

    مقترح