The Definitive Guide to Living in the Capital , Cairo , Egypt

بالأتوبيس أو المترو.. إزاي توصل لمعرض القاهرة الدولي للكتاب 2022 بأقل تكلفة؟
    بواسطة
    Mohamed Talaat

    معرض القاهرة الدولي للكتاب واحد من أهم الأحداث الثقافية في مصر، وفي 2022 هيفتح المعرض أبوابه رسميًا من يوم 26 يناير لحد يوم 7 فبراير.

    ونشرت وزارة الثقافة المصرية قائمة بخطوط مواصلات عامة لكل اللي مهتم بالتوجه لمعرض الكتاب.

    وهيقام معرض القاهرة الدولي للكتاب داخل مركز مصر للمؤتمرات والمعارض الدولية في منطقة التجمع الخامس، بالقاهرة الجديدة، جنوب محور المشير طنطاوي (امتداد شارع التسعين)، وغرب الطريق الدائري ومدخل القاهرة الجديدة، بالقرب من مركز المنارة للمؤتمرات الدولية، مسجد المشير طنطاوي وستاد الدفاع الجوي.

    مواصلات معرض الكتاب 2022

    تقدروا تروحوا موقع معرض القاهرة الدولي للكتاب 2022 في مركز المعارض الدولية في التجمع الخامس من خلال خطوط “الأتوبيسات العامة”.

    ووفرت محافظة القاهرة “أتوبيسات عامة” مخصصة للذهاب إلى المعرض، وبتتواجد في أماكن عدة منها:

     

    الخط الأول: عبد المنعم رياض – رمسيس – عباسية – جامعة الأزهر – محور المشير – معرض الكتاب.

    الخط الثاني: دوران شبرا – ش شبرا – أحمد حلمي – ش رمسيس – عباسية – نادي السكة – جامعة الأزهر – محور المشير – معرض الكتاب.

    الخط الثالث: النزهة الجديدة – ميدان الحجاز – السبع عمارات – مكرم عبيد – مصطفى النحاس – المنهل – الوفاء والأمل – معرض الكتاب.

    الخط الرابع: الأميرية – ميدان المطرية – الحلمية – كلية بنات عين شمس – ميدان رابعة – الحي السابع – حي السفارات – معرض الكتاب.

    الخط الخامس: ميدان الجيزة – جامعة القاهرة – القصر العيني – السيدة عائشة – الأتوستراد – جامعة الأزهر – معرض الكتاب.

    الخط السادس: صقر قريش – كارفور المعادي – نادي وادي دجلة – الطريق الدائري – محور المشير – معرض الكتاب.

    الخط السابع: المظلات – سراي القبة – روكسي – السبع عمارات – الحي الثامن – الوفاء والأمل – محور المشير – معرض الكتاب.

     

    وفيه خطوط تانية هتمر بموقع معرض الكتاب:

    الخط الأول: أحمد حلمي – معرض الكتاب – التجمع الثالث.

     

    الخط الثاني: عبد المنعم رياض – معرض الكتاب – الجامعة الأمريكية.

     

    الخط الثالث: شرق شبرا الخيمة – معرض الكتاب – التجمع الثالث.

     

    الخط الرابع: بولاق الدكرور – معرض الكتاب – التجمع الثالث.

     

    كمان هيكون فيه وسائل مواصلات من العباسية للحي السادس ومن هناك لمعرض الكتاب، ويقدر سكان النزهة الجديدة يروحوا معرض الكتاب من منطقة “السبع عمارات”.

    أما سكان الأميرية والمطرية فهيتجهوا إلى ميدان المطرية ومنه إلى معرض الكتاب.

    وفيه وسائل مواصلات كتيرة من ميدان الجيزة إلى ميدان السيدة عائشة ومنه إلى معرض الكتاب.

    أما أهل حلوان فيقدروا يروحوا إلى “الأوتوستراد” ومنه إلى “صقر قريش” ثم معرض الكتاب.

    الوصول إلى معرض الكتاب 2022 عن طريق مترو الأنفاق

    أما اللي حابب يروح معرض الكتاب عن طريق “المترو”، عليه التوجه إلى محطة مترو الشهداء بالخط الثاني، وهناك هيلاقي كتير من وسائل المواصلات لمعرض الكتاب.

    وممكن كمان التوجه إلى محطة مترو كوبري القبة، ومن هناك هتلاقوا مواصلات كتير للتجمع الخامس.

    مقترح