The Definitive Guide to Living in the Capital , Cairo , Egypt

الحياة في كايرو

بالأسعار.. أجمد 5 أماكن للخروج في عيد الأضحى

أجمل رحلات القاهرة أماكن للخروج في العيد خروجات العيد عيد الأضحى 2021
بالأسعار.. أجمد 5 أماكن للخروج في عيد الأضحى
    بواسطة
    Mohamed Talaat

    كل سنة وأنتم طيبين، القاهرة مليانة أماكن جميلة للخروج، وفي عيد الأضحى بنرشح لكم 5 أماكن سعرهم مناسب وهتستمتعوا فيهم بعيد الأضحى أغلبهم في القاهرة ومنهم مكان بالقرب منها.. تعالوا نعرفهم مع بعض.

    1 – أفريكا بارك:

    فيها أنشطة حلوة لجميع أفراد الأسرة، زي دخول الكهوف ومشاهدة الحيوانات في بيئة مماثلة لبيئتها الطبيعية، ده غير إمكانية التقاط الصور مع الحيوانات.

    الأسعار: سعر الرحلة بتتكلف 300 جنيه للفرد، وسعر دخول العربية 700 جنيه، أما سعر التذكرة للمجموعات اللي بتبدأ من 28 شخص 55 جنيه للفرد، ودخول الأطفال أقل من 4 سنوات مجانًا.

    الموقع: طريق الإسكندرية الصحراوي.

    2- القرية الفرعونية:

    لو زهقت من حديقة الحيوانات وعاوز تجرب حاجة جديدة وتقضي وقت ممتع بين زيارة المتاحف الداخلية واللعب مع الحيوانات وتجربة المركب العائم والسينما الـ 9D وغيرها من النشاطات فببنصحك بزيارة القرية الفرعونية.

    الأسعار:170 جنية تكلفة التذكرة للفرد، و300 جنية تكلفة التذكرة العائلية (أب وأم وطفلين).

    مواعيد العمل: من الساعة ال9 صباحًا وحتي 5 مساءً

    العنوان: طريق البحر الأعظم.

    3- فجنون:

    مكان مميز وجميل لكل عشاق الطبيعة، ومليان نشاطات للأطفال والكبار، وهناك هتقدر تلعب في بركة الطين وتتعلم صنع المجوهرات و زراعة النباتات وتنفيذ مشروعات فنية مختلفة وغيرها من النشاطات المسلية.

    الأسعار:سعر التذكرة 100 جنية شاملة كل الألعاب.

    المواعيد: من الساعة ال9 صباحًا وحتي 6 مساءً.

    العنوان: أمام ترعة المريوطية، في طريق سقارة، على بعد حوالي 25 كيلومترًا جنوب القاهرة.

     

     

    ٤- كيدزانيا:

    مدينة ألعاب للأطفال بتحتوي علي كتير من الألعاب المميزة والممتعة.

    الأسعار: بتبدأ الأسعار من 200 جنيه للأطفال أقل من 4 سنوات، و250 جنيه من 4 حتى 14 سنة، و 100 جنيه للمرافقين.

    المواعيد: من الساعة 12 الظهر ولحد الساعة 8 مساءً.

    العنوان: كايرو فيستفال مول، التجمع الخامس.

     

    ٥- أدرينالين:

    لو كنت من عشاق المغامرة وعاوز تجرب حاجة مجنونة، تقدر تجرب حرب الألوان في أدرينالين، اللي فيها مكان مخصص للعب البينت بول وحرب الليزر وألعاب مائية تانية ممتعة.

    الأسعار:220 جنية مقابل 75 طلقة.

    المواعيد: من الساعة 9 صباحاً ولحد 9 مساءً.

    العنوان: شارع 3، بوابة 1، الحزام الأخصر / الكيلو 28 طريق مصر إسكندرية الصحراوي، داندي مول.

    عيد سعيد يا أهل القاهرة!

    مقترح