The Definitive Guide to Living in the Capital , Cairo , Egypt

الحياة في كايرو

بالصور.. عرض أقدم عربيات ترام مصر الجديدة في حديقة قصر البارون

ترام قصر البارون مصر الجديدة هليوبوليس
بالصور.. عرض أقدم عربيات ترام مصر الجديدة في حديقة قصر البارون
بواسطة
Mohamed Talaat

الصورة الرئيسية: ياسر نظمي

حديقة قصر البارون إمبان في هليوبوليس استقبلت أقدم عربية ترام كان في مصر الجديدة، واللي هتتحط في حديقة القصر، وده بسبب أهمية الترام اللي كان أهم وسيلة تنقل داخل الأحياء في القرن العشرين، وبعدها بقى من أهم معالم الحي التراثي.

عربية الترام دي هتكون موجودة في العرض الرئيسي لمعرض مصر الجديدة وهليوبوليس اللي هيرصد تاريخ المنطقة عبر العصور، واللي هيكون مكانه الدائم هو حديقة القصر التاريخي، واللي هتنظمه الوزارة بعد ما تنتهي من برنامج إعادة توظيف قصر البارون واستعادة رونقه.

وزارة الآثار جهزت منطقة مخصصة في الحديقة الأمامية ودعمتها بقواعد خرسانية وفلنكات وقضبان سكة حديد، علشان عربية الترام تكون معروضة بشكل لائق، وهيتم ترميمها واستعادة كفاءتها عن طريق متخصصين، علشان ترجع لصورتها الأصلية اللي كانت عليها في عهد البارون إمبان.

عربية الترام لونها أحمر وكانت هي وسيلة النقل الرئيسية داخل أحياء مصر الجديدة، في عصر البارون إمبان، اللي لقب بـ”ملك الترام في العالم”، وكمان في عهده كان فيه العربة البيضاء اللي كانت بتتنقل من هليوبوليس إلى مناطق القاهرة التانية.

مقترح