The Definitive Guide to Living in the Capital , Cairo , Egypt

الحياة في كايرو

بالفيديو.. مراحل تطوير مدينة الفسطاط وتحويلها لمتحف مفتوح

تطوير الفسطاط تطوير متاحف القاهرة جامع عمرو بن العاص محمد علي مدينة الفسطاط مصر القديمة
بالفيديو.. مراحل تطوير مدينة الفسطاط وتحويلها لمتحف مفتوح
    بواسطة
    Mohamed Talaat

    لو زرت مدينة الفسطاط مؤخرًا، أكيد لاحظت حجم التطوير اللي حصل فيها، واللي خلاها أقرب لمتحف مفتوح مليان أماكن رائعة تستحق الزيارة.. في الموضوع ده هنعرفكم على أحدث تقرير فيديو عرضته مؤخرًا قناة إكسترا نيوز بيتكلم عن تطوير مدينة الفسطاط وتحويلها لمتحف مفتوح، باعتبارها أول وأقدم العواصم الإسلامية فى إفريقيا.

    بحسب التقرير، مدينة الفسطاط بتُعرف حاليًا باسم حي مصر القديمة، وهو من أعرق الأحياء بالقاهرة الكبرى، ونظرًا لأهميتها، تم تطويرها وتحويلها لمتحف مفتوج لمصر الإسلامية مع الحفاظ على البقايا الأثرية.

    وكشف التقرير إن مدينة الفسطاط بتضم كتير من المواقع الأثرية منها جامع عمرو بن العاص، واللي كان أول مبنى يتم إقامته بالمدينة، بالإضافة لعدد من الكنائس منها الكنيسة المعلقة، وكنيسة أبي سرجة، اللي اتبنت فوق المغارة اللي احتمت فيها العائلة المقدسة أثناء رحلتها في مصر.

    التقرير وضح برضه إن مشروع تطوير مدينة الفسطاط بيضم كمان معبد بن عزرا اليهودي وحفائر أطلال مدينة الفسطاط ومقياس النيل بجزيرة الروضة وقصر المانسترلي وقصر محمد على بالمنيل.

    شوفوا الفيديو من هنا:

     

    مقترح