The Definitive Guide to Living in the Capital , Cairo , Egypt

الحياة في كايرو

بالفيديو.. هل مصر هتعمل وزارة للسعادة؟

الإمارات مصر وزارة السعادة
بالفيديو.. هل مصر هتعمل وزارة للسعادة؟
    بواسطة
    Cairo 360

    الصورة: محمد الكردي

    أكد مسؤول حكومي مصري إن فيه توجه عند الدولة لإنشاء وزارة للسعادة قريبا جدًا، هدفها تعزيز مستويات ثقة المواطن بأجهزة الدولة المختلفة والارتقاء بجودة الخدمات الحكومية اللي بتتقدم للمواطنين. لكن بعد الكلام ده بساعات قليلة خرج مصدر حكومي تاني وأكد لوسائل الإعلام المصرية إن مصر ما بتفكرش تعمل وزارة سعادة خالص، ووصف الكلام ده بإنه لا أساس له من الصحة.

    وكان مدير منظومة الشكاوى الحكومية الموحدة في مصر، طارق الرفاعي، أكد خلال لقاء تلفزيوني إن السعادة هتكون ملموسة في تعامل المواطنين مع كل المؤسسات الحكومية.

    وبحسب الرفاعي، ففي حاليًا تعاون مع دولة الإمارات، لنقل تجربتها في الارتقاء بمستوى الخدمات المقدمة للمواطنين، لتطبيقها في مصر، وقال إنه هيتم نقل تجربة وزارة السعادة الإماراتية لمصر.

    شوفوا الفيديو من هنا:

    لكن مصدر حكومي تاني نفى لجريدة المصري اليوم الكلام اللي تردد عن استحداث «وزارة للسعادة» قريب، وأكد ن الكلام ده مش صحيح، وقال إن طارق الرفاعي، مدير منظومة الشكاوى الحكومية، كان بيتكلم عن جودة الخدمات وتواصل الموظفين مع المواطنين وجائزة التميز الحكومي في أداء الخدمات واللي هتكون زي تجربة الإمارات.

    مقترح