The Definitive Guide to Living in the Capital , Cairo , Egypt

الحياة في كايرو

“بايكس بارك”.. كل اللي محتاجين تعرفوه عن أول حديقة للدراجات في القاهرة

حديقة عجل فسحة لعب مسار مصر ملاعب
“بايكس بارك”.. كل اللي محتاجين تعرفوه عن أول حديقة للدراجات في القاهرة
    بواسطة
    Mohamed Talaat

    كتير مننا بيحبوا ركوب العجل سواء كرياضة أو هواية أو حتى كوسيلة مواصلات. والعاصمة المصرية فيها حديقة مميزة اتعملت مخصوص لعاشقي ركوب العجل.. وعلشان أهمية الحديقة دي هنقول لكم على كل التفاصيل الخاصة بيها علشان تروحوا تستمتعوا وتركبوا عجل هناك.

    حديقة “Bikes Park” موجودة في مدينة المستقبل اللي في طريق مصر إسماعيلية، على مساحة 210 فدان، وفيها 20 لعبة مختلفة، وكمان ملاعب كتير، ده غير مسار للعجل بطول 6 كيلو رايح وجاي، وده مبني وسط الخضرة والزرع والورد، وكمان فيه كل الخدمات اللي ممكن تحتاجوها، زي كافتيريات ومطاعم وأماكن انتظار للعجل، وممنوع فيها العربيات، ومخصصين مكان لعجل السباقات لوحده.

    الحديقة متقسمة 4 أجزاء، موصلين كلهم ببعض عن طريق أنفاق وكباري، وهي بتبعد عن منطقة وسط البلد وبالتحديد ميدان التحرير حوالي 40 كيلو متر، وفي الأيام العادية سعر الدخول للشخص 15 جنيه، والجمعة والسبت بـ20 جنيه، وكمان تقدر تدخل عجلتك بـ10 جنيه رسم دخول، ولو عاوز تأجر منهم فسعر العجلة من 20 حتى 30 جنيه، وشغالين كل يوم من 9 صباحًا حتى 10 مساءً.

    لكن العجل مش هو كل حاجة في الحديقة..

    “بايكس بارك” فيها كمان ركوب خيل، ومنطقة ألعاب أطفال، وملاعب كرة قدم خماسية، وجيم، وملاهي، وألعاب قوة، وحاجات تانية كتير تنفع جدًا انها تبسط الأسرة كاملة في يوم مميز، تاكلوا وتشربوا وتعلبوا وتنبسطوا، وكمان لو عاوزين تعملوا حفلات متاح بنظام الحجز المسبق.

     

    العنوان: طريق مصر إسماعلية الصحراوى – أمام أكوا بارك

    رقم التليفون: 01210055537 – 01000314797

    صفحة الفيسبوك من هنا

    مقترح