The Definitive Guide to Living in the Capital , Cairo , Egypt

الحياة في كايرو

بتتحول لأطباق بيض.. رحلة لمعرفة مصير تذكرة المترو بعد استخدامها

أين تذهب تذاكر المترو المستخدة تذكرة المترو بعد الاستخدام مترو الأنفاق مترو القاهرة مصير تذكرة المترو
بتتحول لأطباق بيض.. رحلة لمعرفة مصير تذكرة المترو بعد استخدامها
    بواسطة
    Mohamed Talaat

    فيه حوالي 3.5 مليون راكب بيستخدموا مترو الأنفاق في القاهرة يوميًا، وده بحسب تصريح سابق لوزارة النقل، وطبعًا العدد ده بيشتري تذاكر! لكن هل سألت نفسك قبل كدة عن مصير التذكرة بعد انتهاء استخدامها، وخاصة بعد إدخالها في بوابات التذاكر بعد وصولك لوجهتك؟

    تعالوا نتعرف على مصير تذكرة مترو الأنفاق بعد استخدامها.

    بحسب تصريح للمتحدث الرسمي باسم مترو أنفاق القاهرة، أحمد عبدالهادي بكير، تذاكر مترو الأنفاق بيتم استيرادها من دولة فرنسا زي ما هي بشكلها المعروف، وبتكون جاهزة وممغنطة علشان تسمح للراكب بالدخول والخروج من المحطة إلى رصيف القطارات، وبيتم استخدامها عبر البوابات الإلكترونية اللي شغالة حاليًا في كل المحطات.

    والراكب بمجرد إدخاله التذكرة في بوابة التذاكر أثناء الخروج، بتروح التذكرة تلقائيًا إلى درج خاص داخل البوابة الإلكترونية، وبعد اكتمال الدرج، بيقوم العاملين بالمحطات بتفريغ البوابات أولًا بأول، وبعدها بيقوموا بتجميع التذاكر يوميًا من كل محطة وشحنها إلى مخزن التذاكر المستعملة بشركة مترو الأنفاق.

    طيب وبعدين؟

    قبل سنوات، كان بيتم عقد مزاد علني لبيع التذاكر دي بالطن، وكانت بترسى على واحدة من شركات الكارتون أو الورق، أما حاليًا فبتباع التذاكر بالأمر المباشر إلى وزارة الزراعة بإجمالي من 150 لـ 200 طن سنويًا، علشان يتم فرمها وإعادة تدويرها وإنتاجها كـ”أطباق للبيض”.

    وأوضح “عبد الهادي” إن عائد بيع التذاكر لوزارة الزراعة بيرجع لخزينة مترو الأنفاق مجددًا علشان يتم ضخها في مجالات تانية بتتعلق بتطوير الخدمة.

    مقترح