The Definitive Guide to Living in the Capital , Cairo , Egypt

الحياة في كايرو

بتحتوي على أفران صديقة للبيئة.. 5 معلومات عن قرية الفواخير بالقاهرة بعد تطويرها

الفواخير صناعة الفخار في مصر فواخير مصر القديمة قرية الفواخير بمصر القديمة محافظة القاهرة
بتحتوي على أفران صديقة للبيئة.. 5 معلومات عن قرية الفواخير بالقاهرة بعد تطويرها
    بواسطة
    Mohamed Talaat

    الصورة لـ Earl Wilcox

    قرية الفواخير واحدة من أجمل المناطق الموجودة في القاهرة، وبالتحديد في منطقة الفسطاط، وهي أهم مكان في القاهرة لصناعة منتجات الفخار المختلفة، اللي بتتوزع بعد كل كدة للبيع في أماكن كتير في مصر وخارجها.. ومحافظة القاهرة قررت مؤخرًا تطوير القرية.. تعالوا نتعرف على خطة التطوير من خلال 5 معلومات فيهم الخلاصة.

    1 – بتنفذ محافظة القاهرة حاليًا أعمال تطوير قرية الفواخير بمصر القديمة، استعدادًا لافتتاحها خلال أيام، والهدف رفع كفاءة المباني والورش ودهان المباني والواجهات بمعرفة الورش الإنتاجية بهيئة نظافة وتجميل القاهرة، بالإضافة لرفع كفاءة اللاند سكيب وأعمال التشجير.

     2 – التطوير هيشمل تنظيم معرض داخل قرية الفواخير لعرض منتجات الفخار والخزف لتعريف أكبر عدد من المصريين والأجانب بشغل القرية المميز.

    3 – تم استبدال الأفران التقليدية الملوثة للبيئة بأفران حديثة بتشتغل بالغاز والكهرباء، وده بهدف الحفاظ على البيئة.

     4 – تم تركيب أرفف جانبية على حوائط كل فاخورة لعرض المنتجات بطريقة فنية.

    5 – كمان تم توصيل المرافق “مياه – غاز – كهرباء – صرف” لقرية الفواخير.

     معلومات عن قرية الفواخير

    قرية الفواخير موجودة في منطقة الفسطاط بمصر القديمة، وأهميتها الكبيرة بتظهر في إنقاذ صناعة الفخار والخزف من الانقراض، والقرية بعد تطويرها أصبح فيها 152 ورشة بمساحات متفاوته، و50 أتيليه للعرض، و مبنى خدمات ومسجد، بالإضافة لكل المرافق من كهرباء وماء وغاز طبيعى، وخطوط تليفونات.

    مقترح