The Definitive Guide to Living in the Capital , Cairo , Egypt

الحياة في كايرو

بعد الإعلان عن تشغيله تجريبيًا.. كل اللي محتاجين تعرفوه عن كوبري عدلي منصور

الاختناقات المرورية كباري القاهرة كوبري عدلي منصور مكان كوبري عدلي منصور نفق السلام
بعد الإعلان عن تشغيله تجريبيًا.. كل اللي محتاجين تعرفوه عن كوبري عدلي منصور
    بواسطة
    Mohamed Talaat

    في الساعات الأخيرة، أعلن الفريق مهندس كامل الوزير، وزير النقل، الانتهاء من كوبري “عدلي منصور” بمنطقة موقف العاشر، وتشغيله تجريبياً أمام حركة العربيات.. تعالوا نتعرف أكتر على الكوبري ده.

    1 – بيبلغ طول الكوبري 1250 متر، وعرضه 30 متر، وبيتكون من 7 حارات.

    2 – اسم الكوبري على اسم عدلي محمود منصور (23 ديسمبر 1945)، وهو رئيس المحكمة الدستورية العليا السابق، وكان رئيس مؤقت لجمهورية مصر العربية في الفترة الانتقالية، بعد ثورة 30 يونيو.

    3 – الهدف من الكوبري القضاء على الاختناقات المرورية اللي كان نفق السلام بيعاني منها طول الفترة اللي فاتت، وبكدة هيكون نفق السلام في اتجاه واحد من المرج في اتجاه القاهرة الجديدة، وهيتم استخدام الكوبري للجاي من القاهرة الجديدة للدخول إلى منطقة المرج.

    4 – بيستهدف الكوبري خدمة سكان أحياء النزهة والسلام والمرج وعين شمس والمطرية.

    تم إنشاء الكوبري من خلال 5 أنظمة إنشائية مختلفة هم:

    1ـ “5 باكيات” عبارة عن 50 كمرة على شكل حرف (V)، وزن الكمرة الواحدة 230 طن، بطول 40 متر.

    2ـ “9 باكيات” قطاع صندوقي box section.

    3ـ “9 باكيات” عبارة عن 90 كمرة على شكل حرف T، وزن الكمرة الواحدة 165 طن وطولها 40 متر.

    4ـ “4 باكيات” معدنية عباره عن 42 كمرة منها الباكيه أعلى كوبري السلام بطول 75 متر، ويبلغ وزنها 220 طن، وهي أطول باكية معدنيه على طريق بري.

    5ـ نظام بلاطات على خوازيق بطول 70 متر، وحوائط ساندة بطول 250 متر، بالمطالع والمنازل.

    مقترح