The Definitive Guide to Living in the Capital , Cairo , Egypt

بعد ارتفاع أسعار المشتقات البترولية والغاز المخصص للعربيات، أعلنت أوبر وكريم عن أسعارهم الجديدة.. لكن لو جبنا الآلة الحاسبة وقررنا نحسبها بالمليم، هنلاقي مين الأرخص؟

بالنسبة لشركة “أوبر مصر” لخدمات نقل الركاب فبداية الرحلة داخل القاهرة الكبرى هتكون 7 جنيه من غير تغيير، ورفع سعر الكيلومتر إلى 2.30 جنيه بدل 2 جنيه وسعر دقيقة الانتظار 30 قرش.

لكن لو خرجنا من القاهرة، وطلعنا على محافظة الإسكندرية هنلاقي سعر بداية الرحلة وصل إلى 6.50 جنيه بدل 6 جنيه، وسعر الكيلومتر أصبح 2.30 جنيه مقارنة بجنيهين قبل الزيادة، وتثبيت سعر دقيقة الانتظار عند 30 قرش.

أما المدن الأخرى اللي بتقدم أوبر خدماتها داخل شوارعها وهي “الغردقة والمنصورة والزقازيق وطنطا ودمنهور”، فتم تثبيت سعر بداية الرحلة 6 جنيه، وزيادة سعر الكيلومتر من 1.85 جنيه إلى 2.10 جنيه، وسعر دقيقة الانتظار 30 قرش بدل 25 قرش.

نيجي بقى لخدمة “كريم” واللي بلغت عملاءها عبر التطبيق الإلكتروني، إنها اعتمدت أسعار جديدة، هنلاقي إن الشركة عدلت تعريفتها لتصبح بداية الرحلة داخل القاهرة الكبرى 6.5 جنيه، وسعر الكيلومتر 2.31 جنيه، أما سعر دقيقة الانتظار فبقى 36 قرش.

يعني أوبر أغلي في حاجات، وكريم أغلى في حاجات، وفي النهاية ماحدش هيقدر يضحك على شركات كبيرة.. كله هيكسب يا معلم.

المهم بقى ناوي تستخدم أوبر ولا كريم؟