The Definitive Guide to Living in the Capital , Cairo , Egypt

الحياة في كايرو

بعد “ويل سميث” و”شاكيرا” و”مينا مسعود”.. النجم الروسي “دي جي جان” في زيارة للأهرامات (صور)

النجم الروسي دي جي جان دي جي جان دي جي جان في الأهرامات مصر وروسيا نجوم عند الأهرامات
بعد “ويل سميث” و”شاكيرا” و”مينا مسعود”.. النجم الروسي “دي جي جان” في زيارة للأهرامات (صور)
    بواسطة
    Mohamed Talaat

    أهرامات الجيزة أثبتت في الفترة الأخيرة قدرتها السحرية على جذب أهم نجوم العالم، وبعد زيارة بيونسيه، وشاكيرا، وغيرهم من أهم النجوم، وصل لمنطقة الأهرامات في الأيام الأخيرة المغنى الروسي الشهير دي جي جان، واللي قرر مع أسرته زيارة مصر وأهراماتها ومشاهدة أماكنها السياحية الخلابة.

    ونشر “جان” على حسابه الرسمي على إنستجرام، واللي بيتابعه عدد ضخم من جمهوره من كل أنحاء العالم، مجموعة صور مختلفة لزيارته للأهرامات، والصور دي حققت إعجاب كبير من ناس اعتبرته محظوظ لزيارة أهم مكان تاريخي في العالم.

    وبيتابع دي جي جان على إنستجرام حوالي 5 ملايين متابع، واللي اهتموا بمتابعة تفاصيل زيارته لمصر وأماكنها الجميلة، وعبر “جان” عن سعادته بوجوده مع زوجته وأطفاله في واحدة من أكثر الأماكن سحر في العالم كله، بحسب تعبيره.

    وبيعتبر دي جي جان واحد من أكثر المغنيين الروس شهرة على مستوى العالم، وبتحقق أغانيه نجاح كبير، ده غير إنه بيشكل هو وزوجته ثنائي ناجح على مواقع التواصل الاجتماعي بفضل مجموعة الصور اللي بيقوم بنشرها من وقت للتاني على حساباته.

    وبكده، انضم دي جي جان لقائمة كبيرة من المشاهير اللي زاروا مصر والأهرامات في الفترة الأخيرة، ومنهم، مينا مسعود، وبيونسيه، وشاكيرا، وويل سميث ونجوم أكتر.

    مقترح