The Definitive Guide to Living in the Capital , Cairo , Egypt

الحياة في كايرو -
مقترح

“بكراسي شيزلونج”.. 5 سينمات في القاهرة لعشاق مشاهدة الأفلام بروقان

أفضل سينمات القاهرة سينمات سينمات VIP سينمات القاهرة سينمات بكراسي شيزلونج سينمات في آي بي سينمات مريحة في القاهرة
“بكراسي شيزلونج”.. 5 سينمات في القاهرة لعشاق مشاهدة الأفلام بروقان
    بواسطة
    Mohamed Talaat

    القاهرة عاصمة السينمات في المنطقة العربية. فيها عدد كبير من دور العرض اللي بتناسب مختلف المستويات، ومن الجميل إن العاصمة المصرية فيها مجموعة سينمات موجهة بشكل خاص لعشاق الفرجة على الأفلام وهم قاعدين على كراسي ملوكي.. في الموضوع ده هنعرفكم على 5 سينمات مناسبين جدًا لعشاق الروقان.

     

    1 – سينما سيني كومفورت – أمريكانا بلازا:

    السينما فيها كراسي مريحة وحجمها كبير بالإضافة لمساحات أوسع بين الكراسي، لتوفير تجربة مشاهدة أفضل للمشاهدين، ويتختلف أسعار التذاكر حسب موعد الحفلات، الحفلات الصباحية أرخم من المسائية، لكن بصفة عامة الأسعار تحت 100 جنيه.

     

    2 – سينما VOX Gold مول مصر:

    بتتميز السينما دي بوجود مطعم داخلي، وده معناه إنك تقدر تطلب الأكل داخل القاعة وتستمتع بيه وأنت بتتفرج على الفيلم، بالإضافة إلى وجود كراسي بتتفرد زي السرير لإمكانية النوم، وبتتراوح أسعارها في الحفلات الصباحية من 80 إلى 125 جنيه، أما الحفلات المسائية فبتكون بـ150 جنيه.

     

    3 – سينما صن سيتي  VIP:

    السينما دي بتتميز بتقنية صوت مبهرة، بتوفر صوت بمحيط 360 درجة في صالة العرض، وبتحتوي السينما على عدد قليل من الكراسي اللي بتتسم بالرفاهية والراحة. كمان ممنوع دخول الأطفال أقل من 12 سنة، وأسعار الحفلات الصباحية 70 جنيه، أما الحفلات المسائية فبتوصل لـ 90 جنيه.

     

    4 – سينما جالاكسي كايرو فيستيفال VIP:

    بتتميز كراسي صالة العرض بسينما جالاكسي بالراحة، وممكن يتم فرد الكرسي زي السرير من خلال الزراير الموجودة على جوانب الكراسي، بالإضافة إلى ترابيزة بين الكرسي علشان تحط عليها متعلقاتك الشخصية، وبيمنع دخول الأطفال أقل من 6 سنين، وسعر التذكرة لجميع الحفلات بالسينما بـ130 جنيه.

     

    5 – سينما جولدن ستارز VIP:

    تعتبر سينما جولدن VIP بمول سيتي ستارز من أفخم وأغلى السينمات؛ ويقدر المشاهد يقعد على كرسي الـLazy Boy  مع وجود مساحة بين الكراسي تحفظ الخصوصية، بالإضافة إلى إمكانية تناول الأكل داخل السينما، وبتوصل سعر التذكر لـ 120 جنيه.

    مقترح