The Definitive Guide to Living in the Capital , Cairo , Egypt

الصورة الرئيسية: Towfiqu barbhuiya

نظافة السيارات بتاعتنا مهمة جدًا سواء من الداخل أو الخارج، ودائمًا بنكون عاوزين عربيتنا في أحسن شكل، وفيه مننا اللي بيعتبر السيارة بيته وصديقته المقربة، علشان كده بنهتم بيها حتى من غير ما تطلب. ومؤخرًا، اكتشفنا تطبيق جديد للعناية بالسيارات واسمه “SHINEFY”، مهمته الأساسية انه يقدم مفهوم مختلف لطلب خدمات غسيل السيارات في أي مكان وأي وقت، يعني تقدر تطلبهم تحت البيت أو الشغل أو أي مكان تختاره وتوفر وقتك.

ولأننا في كايرو 360 بنحب نجرب كل جديد في القاهرة، قررنا نبعت لهم ونشوف بيعملوا إيه، وطلبناهم 3 مرات في أماكن مختلفة علشان نقدر نقيم التجربة بشكل سليم، وهنقول لكم كل التفاصيل في السطور الجاية.

البداية أننا شفنا إعلان لهم على السوشيال ميديا ورغم أن لنا تجربة سيئة مع شركة سابقة بخصوص الغسيل تحت البيت إلا أننا قررنا نغامر تاني وطلبناهم، وبعد ما حددنا الموعد والمكان كلمنا حد أكد علينا الموعد وبعدها حد تاني كلمنا وقال لنا “للأسف مش شغالين في المنطقة دي”، ورغم بساطة الحدث إلا أنه محبط أولًا علشان التطبيق مافيهوش أي كلام عن العمل في مناطق محددة، وثانيًا علشان موظف خدمة العملاء أكد معانا الميعاد، ولكن إحنا مش بنستسلم، وطلبنا الخدمة في المعادي وهي من ضمن مناطق التشغيل الحالية لهم مع “القاهرة الجديدة – مصر الجديدة – مدينة نصر- المقطم”.

طلبنا ميعاد تاني وكان الساعة 2 الضهر، وقبل الميعاد بدقائق اتصل بنا مندوب الشركة وقال لنا إنه وصل ومعاه بوكس معدات كبير ومعاه مساعد على موتوسيكل، والحقيقة إن المندوبين كانوا ودودين جدًا ومتعاونين، وبدأوا يشتغلوا بالفعل في العربية والبداية كانت أنهم بصوا فيها جوا وبره وحددوا هيعملوا إيه.

بدأ المندوبين استخدام مواد متخصصة في تنظيف العربية وكل جزء له المادة بتاعته اللي بيشتغلوا بيها، الصاج له ماتريال والكاوتش والجلد والتابلوه وهكذا، وعجبنا جدًا أنهم مابيستخدموش مياه نهائي في شغلهم، يعني توفير وحماية للبيئة والموارد، والنتيجة النهائية للتنظيف كانت مبهرة وأفضل بكتير من استخدام المياه.

العربية أخدت معاهم تقريبًا ساعة وربع، ونسينا نقول لكم إننا كنا راجعين من إسكندرية والعربية متبهدلة من الطريق والسفر والتراب.

الحقيقة أن الخدمة ممتازة وغسيلهم تحفة، وأكيد هنتعامل معاهم على طول.

نيجي بقى للتكلفة! طلب غسيل العربية عندهم بيتكلف 150 جنيه، وممنوع عندهم البقشيش نهائي، وده اللي المندوب وضحه، وكمان عندهم عرض أول مرة للكار كير بيكون بـ75 جنيه من خلال برومو كود First50.

 

تقدروا تحملوا الأبلكيشن لو أنتم من مستخدمي iOS من هنا.

ولو أنتم من مستخدمي Android حملوه من هنا.

ولو محتاجين تعرفوا أكتر عنهم زوروا صفحتهم على فيسبوك من هنا.