جديد في القاهرة: 10 حاجات إحنا متحمسين لها في شهر نوفمبر
Cairo 360
في
شهر نوفمبر تم افتتاح مطاعم كثير وحصلت أحداث ثقافية وفنية كلها بـ تبرهن أن فعلًا
مافيش مكان زي القاهرة. رصدنا أهم الحاجات الجديدة اللي حصلت في نوفمبر وهـ نقدمها
في الموضوع ده.
زيتونة..
بيسترو اللبناني
ما
ينفعش تروح أي حتة في العاصمة من غير ما تلاقي مطاعم جديدة فتحت. الأسبوع الجاي في
أبراج نايل سيتي Nile
Towers على الكورنيش هـ يتم افتتاح
مطعم زيتونة اللي بـ يعمل شاورمة لبناني ما حصلتش، لكن
إحنا متحمسين أكثر للأكلات اللبنانية الأصلية وأم علي بالآيس كريم اللي عرفنا أنهم
بـ يقدموها، يعني هـ يبقى عندنا حتة من بيروت على النيل.
فيرساتشي
و إتش & إم
ملك
الموضة العالمية «Versace» بـ يتعاون مع ملك الموضة الشعبية الراقية «H&M» وهـ يطرحوا موديلات جديدة في الأسواق بدءًا من يوم الخميس 17
نوفمبر، ودي أول مرة نشوف منتجات ناتجة عن تعاون إتش & إم مع ماركات ثانية
عالمية في مصر. شوفنا الأخبار على موقع H&M ومنتظرين بفارغ الصبر
مجموعة الموديلات الثانية اللي هـ تنزل كمان في يناير اللي جاي.
لوبريجين،
مصر الجديدة
واحد
من أهم المطاعم وأماكن السهر في الزمالك،
وأخيرًا عمل توسعات من خلال فرع جديد في شارع عمر بن الخطاب في مصر الجديدة، بنفس
الستايل والمنيو المميز للمكان. بس يا ترى الأكل هـ يبقى بنفس الجودة والبهرجة
الزيادة في التقديم زي ما معروف عن «L’Aubergine» ولا هـ يكون فيه مفاجآت. سمعنا كمان أنهم هـ يعملوا منيو
للنباتيين في ليلة الكريسماس!
البانوراما الرابعة للفيلم الأوربي
مهرجان للأفلام الأوربية في سينمات جالاكسي وسيتي ستارز
في الفترة من 23 لـ 29 نوفمبر. مجموعة من أنجح الأفلام تجاريًا اللي نزلت السنة
دي، ومجموعة من أهم الأفلام الوثائقية واللي تم تصويرها بخصوص الثورة المصرية. على
هامش المهرجان هـ يعقد عدد من الندوات والمحاضرات وجلسات النقاش. تفاصيل أكثر على الموقع الرسمي للمهرجان وأكيد على أجندة كايرو 360.
نن
سنتر
طول
عمر حي الزمالك محظوظ بوجود محلات من نوع خاص ودائمًا بـ يكون نقطة انطلاق للأسماء
الكبيرة لما بـ تقرر يكون لها وجود في القاهرة. و«Nūn Centre» الموجود في شارع شفيق منصور هـ يبقى مكان مميز جدًا. جلسات يوجا وعلاج بدني
وتأملات ذهنية وعلاج بالأبر الصينية وعلاج مشاكل التغذية وحاجات ثانية زي حصص
تعليم الطبخ. شوف موقع المركز لمزيد من التفاصيل.
تشوب
تشوب و أشا
دائمًا
بـ نفرح لما نلاقي مطاعم جديدة بـ تفتح، لكن لما يفتح 2 في نفس المكان بـ تبقى
سعادتنا مبالغ فيها! في الدور الأرضي من برج قناة السويس في الجيزة فتح محلات «Chop
Chop» و«Asha’s» اللي بـ يطلوا على النيل. لهم مدخل واحد لكن هم مطعمين مختلفين.
لو دخلت يمين هـ تبقى في «تشوب تشوب» وهو مطعم بـ يقدم أكلات آسيوية من بلاد الشرق
الأقصى، والناحية الثانية «أشا» بـ يقدم الأكلات الهندية بنكهاتها المميزة.
المحلين تم افتتاحهم من كام يوم وهـ يبقوا من أهم أماكن المطبخ الآسيوي في كايرو.
بعد
البحر
رغم
أن عمره سنتين فقط إلا أن «بعد البحر»
نجح كمركز ثقافي أنه يسهم بشكل مؤثر في الحياة الثقافية والفنية في القاهرة. نظم
دورتين ناجحتين من مهرجان أدب البحر المتوسط. افتتاح المقر والمكتب الجديد للمركز
غير الحكومي ده هـ يكون في 23 نوفمبر قريب من تاون هاوس جاليري في وسط البلد، وهـ
يكون ملحق بالمكان مكتبة قراءة وبيع كتب.
“سياسات
التمثيل” في معرض تاون هاوس
الانتخابات
البرلمانية قربت، والمعرض ده بـ يحاول يلقي الضوء على أهم فنون علمية عرفها العالم
في آخر 100 سنة وهي فنون التسويق والبروباجندا، والخط الرفيع اللي بـ يفصل بينهم
وإزاي بـ يكملوا بعض بشكل تواصلي أكثر ما إحنا متوقعين. المعرض بـ يضم مجموعة من
صور وبوسترات الحملات الانتخابية اللي ملأت الشوارع مؤخرًا وهـ يقوم بعرضها
وتحليلها. المعرض هـ يفتتح يوم 20 نوفمبر.
سوفيتيل
وفندق كتاراكت القديم
بعد
3 سنين من التجديدات، واحد من أهم فنادق القاهرة التاريخية أعيد افتتاحه مرة ثانية
وهو فندق كتاراكت المطل على النيل. الفندق كان المكان المفضل
لأشهر السياسيين والكتاب والفنانين اللي كانوا بـ يحبوا يستمتعوا بجمال أسوان من
خلاله. صحيح المكان في أسوان مش في القاهرة لكن إحنا بـ نرشحه لتقضية ويك إند جامد
في أيام الشتاء الجاية، خاصة أن فيه سبا هائل وأجوائه رومانتيكية جدًا من الداخل
بديكوراته الفرنسية العريقة.
مهرجان
الشوكولاتة بساقية عبد المنعم الصاوي
للسنة التاسعة الساقية بـ تقدم المهرجان المحبوب والمغري
في نفس الوقت «Chocofest» اللي هـ يكون في الفترة من 17 لـ
26 نوفمبر الجاري. عروض عرائس وأفلام خفيفة. وبـ يبقى فيه رحلات مدرسية للمركز
أثناء النهار، لكن أهم حاجة في الموضوع هو الشوكولاتة؛ ورينا الشوكولاتة لو سمحت!
انتظروا مقالنا عن الجديد في كايرو الشهر اللي جاي، ولو
عندكم أفكار أو مقترحات أو معلومات عن أي أماكن جديدة ياريت ترسلوها على: info@cairo360.com
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
