The Definitive Guide to Living in the Capital , Cairo , Egypt

كلنا بنحب التغيير؛ تغيير بقى يجي في سفرية… في يوم لطيف على حمام السباحة… أي تغيير حلو. فيه ناس عندها التغيير هو سفرية فيها مغامرة، وفيه ناس تغييرهم يبقى يومين لطاف في فندق من فنادق القاهرة. وعلشان إحنا بنقدر الدلع اللي بتقدمه لنا فنادق القاهرة المختلفة، عملنا جائزة للمستوى العالمي في الضيافة.

القائمة دي فيه مجموعة من الفنادق اللي بتتميز بمستوى أكثر من ممتاز في جميع الخدمات اللي بتقدمها؛ من أول الإقامة وحتى المطاعم المتنوعة الموجودة فيها.

 

فور سيزونز نايل بلازا – Four Seasons Nile Plaza :       

فورسيزونز من الأسماء الكبيرة في مجال الضيافة على مستوى العالم، فطبيعي جدًا أن فورسيزونز نايل بلازا يقدم مستوى عالمي للضيافة. موقعه المتميز على نيل القاهرة ضَمن مشهد أكثر من رائع للغرف، ده غير طبعًا الخدمة الممتازة والمطاعم اللي كثير منها فاز معانا السنة دي.

 

فور سيزونس فيرست ريزدنس- Four Seasons First Residence:

من أفخم الفنادق اللي ممكن تعتمد عليها؛ والفخامة مش بس في تصميم الفندق نفسه أو تصميم غرفه… دي كمان بتمتد لفخامة الخدمة اللي بيقدمها الفندق لنزلائه. مش لازم ننسى كمان أن عندهم "ذا سبا"، وهو من أحسن المنتجعات الصحية الموجودة في القاهرة حاليًا.

 

فيرمونت نايل سيتي – Fairmont Nile City:

فيرمونت نايل سيتي من الأماكن اللي مش بس مستوى فيها الخدمة ممتاز، ده كمان بتتميز بمجموعة متنوعة من المطاعم وأماكن السهر اللي على طول بيبقى فيها حفلات وأحداث تخلي القاهرة صاحية طول الوقت.

 

فيرمونت هليوبوليس & تاورز – Fairmont Heliopolis & Towers:

من أفخم الفنادق الموجودة في القاهرة. بيتميزالفندق بخدمة ممتازة وتنوع في الأنشطة اللي بيقدمها. فيرمونت هليوبوليس & تاورز من أشهر الفنادق اللي يعتمد عليها في فعاليات كثير زي المؤتمرات، وده لأن مستوى الخدمة عندهم أكثر من ممتاز.

 

فندق ماريوت القاهرة – Cairo Marriott Hotel:

بالرغم من وجوده في قلب الزمالك –الجزيرة اللي ما بتهداش أبدًا- ماريوت القاهرة جماله المعماري بياخدك لعالم ثاني؛ لأن مبناه الرئيسي اتبنى في عهد الخديو إسماعيل سنة 1869. فندق ماريوت القاهرة قدر يحافظ على جمال المبنى بأنه يقدم لكل اللي يدخله مستوى خدمة عالمي.

 

فندق جي دبليو ماريوت  – JW Marriott Hotel :

بجانب الخدمة العالمية اللي بيقدمها الفندق، جي دبليو بيقدم لمحبي الجولف تجربة خاصة جدًا من نوعها. ده غير أن عنده مجموعة من المطاعم المتميزة جدًا؛ زي مطعم "جي دبليو ستيك هاوس"، واللي بيقدم أحسن ستيك في القاهرة في الوقت الحالي.

 

دوسيت تاني ليك فيو – Dusit Thani Lake View:

من الفنادق اللي بتتتميز بأكبر مساحة للغرف في القاهرة، ده غير وجود 3 حمامات سباحة خارجية ومجموعة مطاعم وأماكن تقدر تمارس فيها أنشطة مختلفة ومتنوعة.  

 

فندق كمبنسكي النيل – Kempinski Nile Hotel :

من أجمل الفنادق الموجودة في القاهرة، واللي بتتميز بموقع رائع على النيل في منطقة من أجمل وأعرق مناطق القاهرة وهي جاردن سيتي. وبجانب الخدمة المحترفة اللي بيقدمها الفندق، كمبنسكي عنده واحد من أجمل مطاعم المطبخ التركي الموجودة في مصر، وهو مطعم "عثمانلي".

 

فندق كونراد القاهرة – Conrad Cairo Hotel :

من الفنادق الكبيرة اللي موجودة في القاهرة من فترة طويلة، واللي قدرت أنها تحقق ثقة نتيجة لجودة خدمتها. كونراد بيميزه الأحداث الكثيرة اللي بيستضيفها، واللي مخلياه من أحسن أماكن السهر في القاهرة.

 

مينا هاوس  –  Mena House:

مش بس بيتميز بموقعه اللي بيطل على الأهرامات، ده كمان بيتميز بديكوراته الساحرة اللي تعيشك في جو ثاني تمامًا. أيًا كان موقع غرفتك في مينا هاوس، أنت مؤكد هتكون مبسوط.

 

سميراميس إنتركونتننتال – :InterContinental Cairo Semiramis

من أهم الفنادق الموجودة في القاهرة؛ لأنه أولًا في قلب القاهرة وقريب من أي مكان هتروحه، ده غير أنه عنده مجموعة كبيرة من المطاعم واللي دايمًا بيكون واحد منها فائز كل سنة، زي مطعم  "بيردكيج" التايلاندي، و"بانيه فينو".

 

رنيساس ميراج سيتي  – Renaissance Mirage City Hotel:

والموجود في ميراج سيتي في القاهرة الجديدة، الفندق بيتميز بأنشطته الكثيرة بجانب طبعًا الخدمة الممتازة. ده بالإضافة لوجود مطاعم كثيرة وأماكن ترفيهية كثيرة قدرت في وقت قليل أنها تكسب إعجاب الناس اللي ساكنين حواليه في القاهرة الجديدة.

 

ريتز كارلتون النيل – The Nile Ritz Carlton:

دي إضافة جديدة لقائمة الفائزين، واللي أخيرًا تم افتتاحه بعد طول انتظار. مبنى الفندق استضاف عظماء وفنانين عالميين كثير زي فرانك سيناترا وإليزابيث تايلور، ونعتقد أن ريتز كارلتون ناوي أنه يكمل النجاح بمستوى الخدمة الرفيع اللي بيقدمها.

 

كمبنسكي رويال ماكسيم بالاس – Kempinski Royal Maxim Palace:

ثاني إضافة جديدة لقائمة الفائزين. كمبنسكي رويال ماكسيم بالاس قدر أنه يحقق نجاح في وقت قليل؛ لأن غير أنه بيتميز بفخامة مبناه، الفندق عنده مجموعة كبيرة من الاختيارات المتاحة سواء لموقع الغرف أو حتى الخدمات اللي بيقدمها.