The Definitive Guide to Living in the Capital , Cairo , Egypt

الحياة في كايرو

حديقة الدراجات.. 5 معلومات عن أكبر مساحة مخصصة لركوب العجل في مصر

Bikes Park - Future City حديقة الدراجات ركوب الدراجات في القاهرة مساحات للدراجات
حديقة الدراجات.. 5 معلومات عن أكبر مساحة مخصصة لركوب العجل في مصر
    بواسطة
    Mohamed Talaat

    مصر فيها أماكن حلوة كتير، لكن للأسف مش كلها واخدة حقها، ومن الأماكن المهمة دي، حديقة الدراجات أو “Bikes Park ” الموجودة في مدينة المستقبل في طريق مصر الإسماعيلية، وبالتحديد أمام أكوا بارك، واللي بتعتبر أكبر مساحة مخصصة لركوب العجل في مصر كلها.

    تعالوا نتعرف على المكان ده أكتر من خلال 5 معلومات فيهم الخلاصة:

    1 –الوصول للمكان ده من أسهل ما يمكن، هتركبوا أي وسيلة مواصلات رايحة مدينة العاشر من رمضان، وهتنزلوا عند مدينة المستقبل، أمام أكوا بارك.. وهناك هتلاقوا الحديقة في انتظاركم.

    2 – سعر التذكرة ٢٥ جنيه بس، وكمان مسموح بدخول الأكل من خارج الحديقة، لكن المكان نفسه في أكتر من مطعم وكافيه لو عاوز تشتري أكل أو مشروبات من هناك.

    3 – المكان في الأساس معمول للناس اللي بتحب تركب عجل، وممكن تجيب معاك عجلتك أو تأجر من الحديقة العجلة اللي تعجبك بسعر مناسب.

    4 – الحديقة مش بس للعجل، هي كمان للناس اللي بتحب المساحات الخضراء والهواء المنعش، وتنفع خروجة أسرية مميزة جدًا بسبب وجود مسطحات خضراء بمساحة كبيرة جدًا.

    5 – بتتميز الحديقة بمساحتها الضخمة، وهي عبارة عن تراك للعجل باللون الأحمر، وبجانبه تراك تاني مخصص للمشي و الجري باللون الأزرق، والحديقة فيها كمان ملاعب تقدروا تمارسوا فيها ألعابكم الرياضية المختلفة زي كرة القدم.

     

    لتفاصيل أكتر اتصلوا على: 01009071763

    مقترح