The Definitive Guide to Living in the Capital , Cairo , Egypt

الحياة في كايرو

دليلك لأهم ساحات صلاة عيد الفطر في القاهرة

الجيزة القاهرة المعادي جامعة الدول ساحات صلاة العيد مدينة نصر وزارة الأوقاف
دليلك لأهم ساحات صلاة عيد الفطر في القاهرة
    بواسطة
    Mohamed Talaat

    صلاة العيد تعتبر من الطقوس أو العادات الأساسية اللي بنحرص عليها كمصريين، وليها ساحات مخصصة للصلاة فيها، وإحنا في كايرو 360 بنقول لكم كل سنة وأنتم طيبين، وعيد سعيد عليكم، وبالمناسبة دي، حبينا نرصد لكم أهم ساحات الصلاة اللي حددتها وزارة الأوقاف، علشان تعرف ممكن تصلي فين في منطقتك.

    وفي الأول كده، وكنصيحة من كايرو 360، يفضل إنك تاخد معاك مصلية علشان الدنيا بتكون زحمة، وممكن متلقاش مكان، وكمان اعمل حسابك في مياه أو عصير معاك علشان سخونة الجو، خاصة مع الزحمة، ومتنساش إن موعد صلاة عيد الفطر في القاهرة الكبرى هيكون الساعة 5:19 صباحًا، وعلى المقيمين خارجها مراعاة فروق التوقيت.

    وزارة الأوقاف في بيان ليها وضحت ساحات صلاة العيد في أكتر من مسجد في القاهرة والجيزة ومنها:

    مصطفى محمود في جامعة الدول العربية –  المهندسين، وأسد بن الفرات في شارع التحرير – الدقى، وخالد بن الوليد في منطقة الكيت كات – امبابة، وشارع السكرى في منطقة بين السرايات، وعمر بن الخطاب في امبابة، والبدر في شارع البوهى.

    كمان في ساحات تابعة لحي الهرم ومنطقة فيصل منها:

    مسجد التقوى في شارع المشابك، والتيسير والتوحيد في محطة التعاون، وأبو العباس في طريق كفر طهرمس، والصالحين في شارع أبو الهول، وأبو بكر الصديق في زنين، والرحمن في شارع سباق خليل.

    وكمان ماننساش مسجد الاستقامة الشهير في ميدان الجيزة، ومسجد النور في طريق الكنيسة، والحرمين، وعكاشة في منطقة الطالبية، والشهيد زكريا في منطقة أرض العمدة، وعباد الرحمن في شارع فضل السيسي، وذى النون، وأسرة السلام، وأبو هريرة، وقباء في المنيب، وساحات مختلفة في شوارع زي العدل، وترسا، والمدبح، في المنيب.

    كمان الوزارة خصصت ساحات لصلاة العيد في مدينة 6 أكتوبر، بتضم مساجد زي الحصري، والنور والأبرار في الحي السادس، وعماد راغب، وعباد الرحمن في الحى المتميز، والصفا والمروة، وخليل الرحمن في الشيخ زايد.

    وفيه ساحات مخصصة كمان في أنحاء متفرقة من القاهرة زي مسجد الفتح في رمسيس، والرحمن الرحيم في شارع صلاح سالم في العباسية، وعمرو بن العاص في منطقة مصر القديمة، وماسبيرو في منطقة بولاق أبو العلا في شارع ساحل الغلال، وشعبان في منطقة وراق العرب في الوراق.

    كمان الوزارة أكدت على تخصيص ساحة مسجد عمر بن الخطاب في الزهراء، جنوب القاهرة، وساحة مسجد الجمعية الشرعية في البساتين، وساحة عثمان بن عفان في منطقة النزهة الجديدة، وساحة الرحمن في مدينة نصر، ومسجد النور في العباسية، ومسجد عمر مكرم في ميدان التحرير، وحي الأسمرات في المقطم، ومسجد زين العابدين في البساتين.

    بالنسبة لسكان المعادي ومدينة نصر، فصلاة العيد هتقام في ساحة مسجد الرحمن في شارع أحمد ذكر في المعادي، وساحة مسجد الخلفاء الراشدين شرق القاهرة، وساحة مسجد خاتم المرسلين على طريق الأوتوستراد، وساحة مسجد الشهداء في الحي السادس في منطقة غرب مدينة نصر، وساحة مسجد الإيمان في مدينة نصر، وساحة مسجد الصيد في شيراتون مصر الجديدة، وساحة مسجد السلام في مدينة نصر، وساحة سوق السيارات في الحي العاشر في مدينة نصر، وساحة مسجد العزيز بالله في حلمية الزيتون، ومسجد فاطمة الشربتلي في التجمع الخامس.

    أما المساجد التاريخية والأثرية زي مسجد سيدنا الحسين، والأزهر الشريف، والسيدة نفسية، والسيدة زينب، ومسجد الرفاعي، فمفيش خلاف على تخصيص الساحات التابعة ليها لصلاة عيد الفطر زي ما أكدت وزارة الأوقاف في بيانها، ده غير ساحتين مسجد السلطان حسن في القلعة، ومسجد محمد علي باشا في الخليفة.

    عيد فطر سعيد!

    مقترح