The Definitive Guide to Living in the Capital , Cairo , Egypt

الحياة في كايرو

دليلك لويك إند سعيد.. أجمد أنشطة فنية وعروض أفلام في القاهرة

الاوبرا جبل البنات حفلات حفلات الويك إند حفلات في القاهرة خروجة ساقية الصاوي شعر موسيقى ويك اند
دليلك لويك إند سعيد.. أجمد أنشطة فنية وعروض أفلام في القاهرة
    بواسطة
    Cairo 360

    كل ويك إند وأنتم طيبين، ميعادنا النهارده مع أول ويك إند في شهر ديسمبر، اللي بيتميز بلياليه الباردة الجميلة الممتعة والمشجعة على الخروج لناس كتير، علشان كده النهاردة هنقولكم على دليل الحفلات  والعروض اللي ممكن تعجبكم وتختاروا منها هتقضوا الويك إند فين.

    نبدأ بالنهارده الخميس.. تقدروا تحضروا واحد من أهم عروض دار الأوبرا المصرية العرض الأسباني “فلامنكو دي مدريد” واللي هيبدأ من الساعة 12 ظهرًا بتذاكر سعرها 85 – 160 – 210.

    الساعة 6 مساءً، هيكون موعدكم مع عودة أم كلثوم اللي هتغني “للصبر حدود – أمل حياتي” على مسرح عرائس ساقية الصاوي بتذكرة سعرها 37 جنيه.

    ولمحبين الجاز الساعة 8 فيه حفلة جاز فيها شريف مصطفى ورنا حجاج على في درب 1718 بتذكرة سعرها 107 جنيه.

    أما يوم الجمعة.. تقدروا تعبروا عن اللي جواكم وتجربوا العلاج بالغناء، وتحضروا الساعة 6 مساءً قعدة غناء في دوار وسط البلد مع طبيبة نفسية بتذكرة سعرها 20 جنيه.

    الساعة 8 بالليل ممكن تشاركوا في حفلة عيد الميلاد مع محبي الموسيقى في قصر المنسترلي بتذكرة سعرها 75 جنيه.

    ومعهد الموسيقى العربية هيستضيف حفلة جديدة لفرقة نور النبي الدينية الساعة 8 مساءً، بتذكرة سعرها 60 جنيه.

    أما يوم السبت.. فتقدروا تستمتعوا بعرض فيلم جبل بنات اللي بيحكي عن شقيقتين بدويتيتين هربوا من الزواج القسري، في درب 1718 الساعة 6 مساءً، وسعر التذكرة 35 جنيه.

    والساعة 7 مساءً هيكون فيه حفلة جديدة للشاعر عمرو حسن بأشعار وموسيقى مميزة، في ساقية الصاوي بتذاكر أسعارها 85، 107، 132 جنيه.

    وتقدروا تروحوا تنبسطوا مع حفلة رباعي فرقة انسجام في رووم آرت سبيس بتذكرة سعرها 100 جنيه الساعة 9 مساءً.

    ولسة فيه حفلات وأحداث أكتر، وعلشان تعرفوها شوفوا أجندة كايرو 360 الكاملة من هنا.

    مقترح