The Definitive Guide to Living in the Capital , Cairo , Egypt

الحياة في كايرو

دليلك لويك إند سعيد: أحلى خروجات القاهرة من الخميس للسبت

استبينا الأوبرا الليلة الكبيرة المولوية الويك إند بلقيس جرامافون خروجات القاهرة رووم فابريكا محمد عنتر مي عبد العزيز
دليلك لويك إند سعيد: أحلى خروجات القاهرة من الخميس للسبت
    بواسطة
    Cairo 360

    كل أسبوع بنحاول نوفر لكم أفضل الأحداث اللي هتحصل في الويك إند، علشان تستمتعوا بأجازة مميزة تبسطكم وتخليكم حاسين بالنشاط. وتقدروا ترجعوا للشغل تاني بمود جديد.

    نبدأ بالنهارده الخميس، وهتلاقوا فرقة مزامير النيل هتقدم حفلة موسيقية على مسرح الضمة في عابدين. وسعر التذكرة: 40 جنيه.

    كمان فيه حفلة الفنانة دينا الوديدي على المسرح المكشوف بدار الأوبرا المصرية، وسعر التذكرة 75 جنيه.

    أما رووم فبتدعوكم لحضور ليلة جميلة من المقامات العربية مع محمد عنتر. وسعر التذكرة: 50 جنيه.

    ولو بتحبوا الفلكلور  يبقى ما تفوتوش عرض الليلة الكبيرة لفرقة فابريكا على مسرح قاعة الحكمة في ساقية عبد المنعم الصاوي، وسعر التذكرة 100 جنيه.

     

    ننتقل ليوم الجمعة، واللي هينقل لكم روح رمضان هو الشيخ محمود الحديوي. وهيقدم مجموعة من الأناشيد والابتهالات في مركز الربع الثقافي. وسعر التذكرة: 35 جنيه.

    كمان عازف الناي محمد عنتر هيقدم حفلة موسيقية في جرامافون. وسعر التذكرة: 70 جنيه.

    لكن لو عاوزين تجربوا حاجة مختلفة ففريق يوتوبيا هيقدم حفلة غنائية في بدايات. وسعر التذكرة: 70 جنيه.

    برضه فيه حفلة مختلفة لفريق هارموني باند في معهد الموسيقى العربية.

     

     

    ونختم بيوم السبت، و حفل فرقة المولوية المصرية الفلكلورية بقيادة د. عامر التوني، على المسرح المكشوف بدار الأوبرا المصرية.

    أما لو بتحب الأغاني الهادية المختلفة، شوف  حفل مي عبد العزيز في بدايات.

    برضه فرقة استابينا هتقدم مجموعة من الأغاني التراثية في جرامافون.

    كمان بلقيس هتقدم حفلة موسيقية على إلكتريك عود وآلات مختلفة في رووم. وسعر التذكرة: 50 جنيه.

    لو عاوزين تعرفوا أكثر عن الأحداث اللي بننشرها كل يوم على مدار الشهر تابعوا أجندتنا.

    مقترح