The Definitive Guide to Living in the Capital , Cairo , Egypt

الحياة في كايرو

دليلك لويك إند سعيد.. أهم وأحلى الفعاليات والحفلات في القاهرة

أوركسترا أوبرا القاهرة إخناتون غبار النور بيتهوفن دار الأوبرا رووم آرت سبيس ساقية الصاوي سليم سحاب مركز الربع مي فاروق ويك إند
دليلك لويك إند سعيد.. أهم وأحلى الفعاليات والحفلات في القاهرة
    بواسطة
    Cairo 360

    بما إن ده آخر “ويك إند” في أول شهر من 2020، فريق “كايرو 360” حابب يهنيكم بإنه أخيرًا يناير خلص، وكل شهر وأنتم طيبين، ويتمنى لكم أحلى الأوقات وأجمل الأمنيات، ويا رب تكونوا أستمتعتم بالأيام الأولى للسنة الجديدة.

    ودلوقتي خلينا نساعدكم في تغيير مودكم ونقولكم على أهم وأجمد وأحلى الفعاليات والحفلات اللي تقدروا تحضروها في “الويك إند” ده، علشان تبدأوا شهر فبراير وانتوا مفرفشين ومعنوياتكم مرتفعة.

    يوم الخميس.. الساعة 7 مساءً، هنكون على موعد مع فريق مولانا للإنشاد الديني والصوفي، اللي هيبدع في مركز الربع الثقافي. تذكرة الدخول: 50 جنيه.

    لو بتحبوا العروض المسرحية، تقدروا الساعة 8 مساءً، تحضروا العرض الراقص “إخناتون غبار النور” بتذاكر سعرها 45 و60 و85 جنيه، في دار الأوبرا المصرية.

    أما المهتمين بالتراث وفنونه، فممكن تحضروا حفلة فرقة الجركن البدوية الساعة 8 مساءً، في مسرح الضمة الثقافي بتذكرة سعرها 50 جنيه.

    يوم الجمعة.. الساعة 6:30 مساءً هتكون فرقة “نون” المسرحية هتقدم العرض المسرحي “قبل الإفطار” على مسرح “الهوسابير”. ، سعر التذكرة: 50 جنيه.

    ومن قلب مصر، اسمعوا موسيقى فريق “مرسال” في حفلتهم في ساقية الصاوي الساعة 7:30. سعر التذكرة 57 جنيه.

    أما الساعة 8 فهتكون الفنانة “مي فاروق” وفرقة المايسترو “سليم سحاب” موجودين في دار الأوبرا المصرية. أسعار التذاكر (110 و210 و310) جنيه.

    يوم السبت.. هنضحك من قلبنا في ستاند أب كوميدى – Com-Fuse في ساقية الصاوي. العرض هيبدأ الساعة 7:30 مساء. سعر التذكرة 77 جنيه.

    كمان فريق Gravy Train  هيكون موجود الساعة 8:30 مساءً في “رووم آرت سبيس”. سعر التذكرة 100 جنيه.

    عشاق الموسيقى الكلاسيكية يجمعوا هنا علشان عندنا حفلة لـ أوركسترا أوبرا القاهرة الساعة 8 مساءً في دار الاوبرا المصرية، هنسمع فيها سيمفونيات مختلفة لـ “بيتهوفين”. أسعار التذاكر (60  – 85 – 110) جنيه.

    مقترح