The Definitive Guide to Living in the Capital , Cairo , Egypt

الحياة في كايرو

دليلك لويك إند سعيد: استمتع بالأجازة مع أجندة كايرو 360

دليلك لويك إند سعيد: استمتع بالأجازة مع أجندة كايرو 360
    بواسطة
    Cairo 360

    ما بين روتين الشغل والدراسة  وفرهدة الحر الواحد بيحتاج أنه يخرج ويجرب حاجة جديدة يستعيد بها نشاطه وده اللي بنحاول نوفره في #أجندة_كايرو_360 اللي بننشر لكم فيها كل يوم أجمد وأهم الأحداث اللي بتحصل في القاهرة.

    ونبدأ بالنهارده الخميس، و حفل غنائي لفرقة “نوبانور” على مسرح الضمة بعابدين. وسعر التذكرة: 30 جنيه. 

    كمان  فرقة فيه حفل لفرقة سلطان العارفين، واللي هتستمع فيها  بمجموعة من الابتهالات، في مركز الربع الثقافي.

     أما لو عاوزين تجربوا حاجة مختلفة فريق “بارانويد أيز”  عامل حفل غنائي في مركز درب 1718. وسعر التذكرة: 50 جنيه.

    ولعشاق الطرب الأصيل بتاع زمان ففيه حفل لفرقة منيب باند على مسرح النهر بساقية الصاوي. وهتقدم أغاني الفنان الراحل أحمد منيب. وسعر التذكرة: 25 – 30 جنيه.

    وننتقل ليوم الجمعة، ويوم مختلفة في “دكة” ما بين زينة رمضان اللي عاملينها بإيديهم وعروض تانية كتير مفاجأة مستنياكم، في “يلا نزين دكة“.

    أما لو عاوزين تسمعوا عزف على آلة الساكس فروحوا علبة ألوان في الزمالك  وهتتفاجئوا من جمال حفل عم محمد اللي عزفه مالوش مثيل، وسعر التذكرة 50 جنيه.

    كمان لمحبي الحفلات المختلفة فيه حفل لفرقة “عجم” في يالو أمبريلاز.

    ونختم بيوم السبت، وحفل للفنانة سمر الحسيني في ساقية عبد المنعم الصاوي، وسعر التذكرة 25 جنيه.

    ولعشاق الأفلام الهندي ماتفوتوش فيلم “Pink” في ماجنوليا، والدخول مجاني.

    وننهي اليوم بعرض مختلف لفيلم بيناقش تأثير برنامج باسم يوسف يعني مزيج ما بين الضحك والوجع والسياسة هيكون لنا خليط مبتكر في فيلم “Tickling Giants” واللي هيعرض في علبة ألوان في الزمالك، وسعر التذكرة 50 جنيه.

    مقترح