The Definitive Guide to Living in the Capital , Cairo , Egypt

دليلك لويك إند سعيد: المافيا هيرسم الطريق في مركز المنارة.. وأنتم هتمشوا عليه
    بواسطة
    Cairo 360

    أسبوع كان طويل ومتعب، فالواحد محتاج يفصل بقى ويفرفش.. بينا على خروجات الويك إند:

    النهارده الخميس.. رووم آرت سبيس هتستضيف حفلة غنائية، للفنانة المغربية “سارة مولابلاد“. الحفلة هتبدأ الساعة 9 مساءً.

    نادي السينما المستقلة هيعرض فيلم “الخروج للنهار“. اللي بيدور عن محنة أسرة فقيرة، في واحد من أحياء القاهرة الشعبية. العرض هيبدأ الساعة 7:30 مساءً.

    في ساقية الصاوي، فرقة “المولوية المصرية” هتقدم حفلة إنشاد، بقيادة عامر التوني. الحفلة هتبدأ الساعة 7 مساءً.

    يوم الجمعة.. ده هيبقى يوم خاص جدًا، علشان هتكون فيه حفلة المافيا “محمد رمضان” في مركز المنارة في التجمع الخامس. الحفلة هتبدأ الساعة 6 مساءً.

    فرقة “جنان” و”كراكيب” هيقدموا حفلة غنائية في مركز درب 1718. الحفلة هتبدأ الساعة 8 مساءً.

    أغاني الفنان العالمي فرانك سيناترا، هنسمعها من فريق “السيناتراس” على مسرح الزمالك. الحفلة هتبدأ الساعة 8 مساءً.

    أما يوم السبت.. هيكون ميعادنا مع العرض المسرحي الدنماركي “تراب“، ضمن فعاليات مهرجان دي كاف على مسرح الفلكي. العرض هيبدأ الساعة 7 مساءً.

    رووم آرت سبيس هيكون فيها حفلة لأغاني إيفانسينس، هتقدمها “نور خان“. الحفلة هتبدأ الساعة 9 مساءً.

    مركز سيماتك هيعرض الفيلم التايواني “A Brighter Summer Day“. اللي بيدور عن معركة بين عصابتين بيتورط فيها شاب وصديقته. وبتتطور أحداثها للعنف. العرض هيبدأ الساعة 4 عصرًا.

    كل ده وحفلات تانية أكتر هتلاقوها في أجندة كايرو 360 من هنا.

    مقترح