The Definitive Guide to Living in the Capital , Cairo , Egypt

الحياة في كايرو

دليلك لويك إند سعيد.. عروسة محمد منير في الساقية وفرقة المولوية وحفلات أكتر

المولوية حفلات في القاهرة خروجات درب 1718 زين محمود ساقية الصاوي غناء فسحة منير ويك إند
دليلك لويك إند سعيد.. عروسة محمد منير في الساقية وفرقة المولوية وحفلات أكتر
    بواسطة
    Cairo 360

    كل ويك إند وأنتم مبسوطين، وبالخروجات فرحانين، وبالحياة متفائلين، وزي ما عودناكم في كايرو 360، هنقول لكم على أهم الحفلات والفعاليات اللي تقدروا تحضروها من يوم الخميس ولحد يوم السبت، مافيش وقت، يلا نبدأ!

    نبدأ بالخميس.. الساعة 11 صباحًا تقدروا تحضروا باليه جورجيا الملكي، وهو حفل مناسب للكبار والأطفال، بتذاكر سعرها أسعارها (85 – 160 – 210) جنيه.

    ومن الساعة 1 ظهرًا لو محتاجين تكتشفوا الانعكاسات الثقافية والحضارية وتغيروا أفكاركم للأفضل وتفهموا شخصياتكم احضروا فاعليات TEDx في الجامعة الأمريكية بتذكرة سعرها 240 جنيه.

    الساعة 8 مساءً، في ساقية الصاوي، هيكون المبدع الموسيقار عمر خيرت وحفلة جديدة مميزة، بتذاكر سعرها 157 جنيه للوقوف، و457 جنيه للمقعد.

    أما يوم الجمعة.. الساعة 7 مساءً، هتنطلق حفلة فرقة المولوية المصرية، في ساقية الصاوي بتذكرة سعرها 57 جنيه.

    والساعة 8 مساءً النجم الشيخ زين محمود، هيكون موجود في درب 1718 علشان ينشد أجمل الأغاني الصوفية والروحية بتذكرة سعرها 107 جنيه.

    وبداية من الساعة 7 مساءً، فرقة تواشيح للإنشاد الديني، هتكون موجودة بأناشيدها الدينية في مركز الربع الثقافي بتذكرة سعرها 40 جنيه.     

    السبت.. الساعة 7 مساءً، الكينج محمد منير هيكون بيتجسد على مسرح العرائس في ساقية الصاوي بتذكرة سعرها 42 جنيه.

    ولهواة الفن الأوبرالي، الساعة 8 مساءً، فرقة سيمفونية القاهرة بقيادة المايسترو هشام جابر هتكون في دار الأوبرا المصرية بتذاكر سعرها (60، 85، 110) جنيه.

    والساعة 7 لأول مرة في تاريخ الموسيقى البديلة في مصر هيكون فيه حفلة هتجمع المربع والفرعي في حفلة واحدة بتذكرة سعرها 207 جنيه.

    مقترح