The Definitive Guide to Living in the Capital , Cairo , Egypt

الحياة في كايرو

دليلك لويك إند سعيد.. “ويجز” و”غالية بنعلي” و”عفروتو” وحفلات أكتر في القاهرة

أميرة فراج الأوبرا الجامعة الأمريكية الساقية حفلة حمادة الموجي خروجة شادية غالية بن علي منى واصف ويجز
دليلك لويك إند سعيد.. “ويجز” و”غالية بنعلي” و”عفروتو” وحفلات أكتر في القاهرة
    بواسطة
    Cairo 360

    الصورة الرئيسية لـ “ويجز”، من صفحته على الفيسبوك

    كل ويك إند وأنتم طيبين، ومع أول ويك إند في شهر فبراير فرحانين، وبنتمنى لكم أيام سعيدة وفرحة كبيرة، خلونا في الكام سطر الجايين نقولكم على أهم الحفلات والفعاليات اللي ممكن تحضروها خلال الويك إند ده.

    يوم الخميس.. الساعة 7 مساءً، هيكون معادنا مع فرقة الطنبورة البورسعيدية على مسرح الضمة. التذكرة سعرها 50 جنيه.

    أما لو أنتم عاوزين تستمتعوا بموسيقى مميزة، فممكن الساعة 7:30 مساءً، نحضر حفلة “مشروع روح” في ساقية الصاوي. سعر التذكرة 47 جنيه.

    وفي ذكرى ميلاد الفنانة شادية، فرقة “عبد الرحيم نوير” هتكون موجودة لإحياء حفلة بالمناسبة دي على مسرح الجمهورية، الساعة 8. أسعار التذاكر 60 – 85 – 110 جنيه.

    يوم الجمعة.. الساعة 5 العصر هيكون معاد حفلة الفنانة المتألقة “غالية بنعلي” في فاميلي بارك طريق السويس. الحضور بدعوات من شركة اتصالات.

    أما الساعة 7:30 مساءً، فممكن تحضروا حفلة مديح وأناشيد صوفية مع فرقة الإخوة أبو شعر في ساقية عبد المنعم الصاوي. التذكرة سعرها: 57 جنيه.

    ولو أنتم بتحبوا الموسيقى الشرقية المختلطة بالغربية، فممكن الساعة 8 مساءً، نتقابل في حفلة هارب للفنانة “منى واصف” في دار الأوبرا المصرية. سعر التذكرة: 110 جنيه.

    يوم السبت.. الساعة 5 مساءً، هتبدأ حفلة الجامعة الأمريكية في التحرير Trap Paradise اللي هيكون فيها “ويجز” و”عفروتو” و”باتيستوتا” و”الفايف” وغيرهم. سعر التذكرة 200 جنيه.

    المايسترو حمادة الموجي هيقدم روائع من الموسيقى الكلاسيكية والعربية على مسرح الجمهورية الساعة 8 مساءً. أسعار التذاكر (60 – 85 – 110) جنيه.

    وفي نفس التوقيت 8 مساءًا، الفنانة أميرة فراج هتكون موجودة في مسرح ساقية الصاوي علشان تمتع جمهورها بمجموعة من الأغاني المميزة بتذكرة سعرها 67 جنيه.

    مقترح