The Definitive Guide to Living in the Capital , Cairo , Egypt

الحياة في كايرو

دليلك لويك إند سعيد: مغنى ومسرح وبانتومايم وأحداث أكتر في القاهرة

أغاني روك أغاني شعبي الجامعة الأمريكية الملك لير الويك إند تامر حسني خروجات ساقية الصاوي مهرجان الشيكولاته
دليلك لويك إند سعيد: مغنى ومسرح وبانتومايم وأحداث أكتر في القاهرة
    بواسطة
    Cairo 360

    كل ويك إند وأنتم طيبين، وفي الخروجات مبسوطين، وبما أن الشتاء دخل أوعوا تكسلوا وتقولوا الشتاء عاوز البيت، لأ خالص، إحنا بنشجعكم ونقولكم الشتاء عاوز الخروج والانبساط والاستمتاع بنسمة الهواء، ولو أنتم قلقانين من السقعة افتكروا رطوبة يوليو، وتلزيق أغسطس وأنتم هتخرجوا على طول، وعلشان ماتتعبوش في التدوير على الخروجات هنقولكم في دليل كايرو 360 على أحلى خروجات الويك إند اللي واثقين إنها هتعجبكم.

    النهارده الخميس.. لو أنتم بتحبوا الروك والبيتلز وبين فلويد، يبقى ميعادكم الساعة 8 في الجامعة الأمريكية وسط البلد علشان تحضروا حفلة Fabrica Goes Rock لأجمد أغاني الروك والتذكرة سعرها 85 جنيه.

    ولو كنتم بتحبوا الأغاني الشعبية، وعاوزين تستمتعوا بزمن الفن الشعبي الجميل، فأحضروا الساعة 7:30 مساءً حفلة الفلكلور الشعبي مع المبتهلة شيماء التوني وأغاني مميزة بالحجز دون تذاكر في بيت السناري.

    وتقدروا تروحوا للسعادة في أبهى صورها وتشاركوا في مهرجان الشيكولاتة الـ17، واللي هيكون فيه  عرض سيرك، مسرحية عرائس، وسوق شيكولاتة، وده كله في ساقية الصاوي بتذكرة سعرها 35 جنيه الساعة 7 مساءً.

    ويوم الجمعة.. الساعة 7 بالليل هيكون فيه عرض لمسرحية خيبتنا اللي من بطولة وتأليف وإخراج الفنان محمد صبحي في مسرح سنبل والتذاكر سعرها من 200 حتى 700 جنيه.

    وكمان ممكن تحضروا الحفلة العجيبة اللي هتضم حفلة خاصة فيها تامر حسني وسيلنتو ومروان بابلو الساعة 7:30 مساءً، بتذاكر تبدأ من 450 حتى 900 جنيه في الجامعة الأمريكية القاهرة الجديدة.

    ولو كنتم من محبي الفنان الكبير يحيي الفخراني وفنه المميز، أو شكسبير ورواياته، فأحضروا مسرحية “الملك لير” اللي هتتعرض في كايرو فيستيفال سيتي الساعة 9 بالليل بتذاكر سعرها يبدأ من 150 جنيه حتى 750 جنيه.

    يوم السبت.. مركز جسور الثقافي في الزمالك هيقدم الساعة 7  عروض البانتومايم للكبار والصغار مجانًا.

    أما الساعة 7:30 فرقة أبو شعر للإنشاد الديني هتنشد الأغاني الصوفية في مركز ساقية عبد المنعم الصاوي بتذكرة سعرها 57 جنيه.

    فرقة إيجيبادور باند هتكون موجودة في  رووم آرت سبيس جاردن سيتي الساعة 9 بالليل، وسعر التذكرة 100 جنيه.

     ولو عاوزين تعرفوا أكتر عن باقي الحفلات اللي موجودة في القاهرة تقدروا تشوفوها من هنا

    ويك إند سعيد يا أهل كايرو!

    مقترح