The Definitive Guide to Living in the Capital , Cairo , Egypt

إحنا عارفين أنكم بـ تقرأوا الموضوع ده دلوقت وأنتم تحت البطانية، ومتكتكين، وبـ تقولوا دليل ويك إند إيه ده اللى عاملينه، الويك إند ده يعني النوم تحت البطانية والدفا ومج شاي أو نسكافيه أو أى حاجة ساقعة، لكن إحنا فى كايرو 360 دائمًا فى قلب الحدث، حتى لو اقتضى الأمر أننا نلبس البطانية واللكلوك ونروح نحضر الحفلات زي الراجل اللى راح سيتي ستارز بالبطانية مش هـ نتردد، الحركة حلوة مافيش كلام!

نبدأ بيوم الخميس وحفل الفنان صبحي بدير والأصدقاء بدار الأوبرا المصرية على المسرح الصغير، التذاكر متاحة بشباك الحجز.

ونروح على الساقية اللى فيها أكثر من حدث أولهم معرض مسابقة مصر 2014 لأفضل صورة صحفية واللى مستمر لحد يوم الجمعة 9 يناير فى قاعتي الأرض والكلمة، والدعوة عامة، كمان فيه حفل للفنان محمد إبراهيم على مسرح قاعة الحكمة بمناسبة الاحتفال بمرور عام على إطلاق مشروع "الموسيقى إلهام الفنون".

وفى كايرو جاز كلوب ممكن تحضر حفل Danny Malak وGlass Onion حيث يقدمون مجموعة من أغاني فريق The Beatles، أنتم عارفين قواعد كايرو جاز أن الحجز مسبقًا، والدخول للـ Couples فقط، وغير مسموح بالدخول لأقل من 25 سنة، وتغلق الأبواب باكتمال العدد.

ولو أنت من محبى المعارض فيه معرض ثانى بعنوان "إعادة تشغيل" بالسفارة السويسرية للفنان قارم قارت، ويعرض فيه مجموعة من الأعمال الفنية التي تعتمد بشكل أساسي على فن الكولاج، الدعوة عامة والمعرض مستمر يوميًا من الأحد للخميس من 8 صباحًا حتى 4 مساءً.

وأخيرًا وليس آخرًا على مسرح الضمة فيه حفل لفرقة "نوبانور" هـ تقدم فيه مجموعة من الأغاني الشعبية النوبية، سعر التذكرة عند الباب 30 جنيه، و20 جنيه عند الحجز المسبق.

أما يوم الجمعة فيه حفل دويتو وائل السيد ومحمد عنتر في رووم آرت سبيس، الدويتو هـ يكون بين آلتى الناي والأكورديون، الدعوة عامة، فى حين كايرو جاز كلوب فيها حفل موسيقى الـ Progressive House لـ DJ Mohasseb.

وكعادة كل يوم جمعة فيه عرض الأراجوز وخيال الظل فى بيت السحيمي التابع لقطاع صندوق التنمية الثقافية، من تقديم أعضاء فرقة ومضة: عم صابر المصرى شيخ لاعبي الأراجوز في مصر، ومصطفى الصباغ، وعلي أبو زيد، وتأليف وإخراج د. نبيل بهجت. الدعوة عامة.

 

نختم بيوم السبت ونبدأه مع الأكيلة، فيه عرض  All You Can Eat فى مطعم دجاج كنساس Kansas Fried Chicken فى مساكن شيراتون، العرض ده متاح "كل يوم سبت" بسعر 55 جنيه فقط للفرد، نعتقد أن دي حاجة لطيفة هـ تخليك تتدفى فى الشتاء من كثر الأكل!

وفى رووم آرت سبيس فيه حفل لرباعي أحمد نظمي، سعر التذكرة 35 جنيه، وفى دار الأوبرا حفل أوركسترا القاهرة السيمفوني على المسرح الكبير، التذاكر متاحة بشباك الحجز، وفى معهد الموسيقى العربية هـ يقام حفل تخت شرقى للفنانة داليا عبد الوهاب، هـ تغني فيه مجموعة من أغاني الزمن الجميل.

وهـ يقام فى كايرو جاز كلوب حفل لفرقتي "شين" و"مدينة" وهى فرق مصرية معاصرة، حيث تبدأ الفرقة التي تقودها المغنية شيرين عمرو "شين"، تليها فرقة "مدينة" بمزيج ساحر من موسيقى الجاز والهيب هوب، يرجى الحجز مسبقًا.

ونختم يوم السبت بحدث كل أسبوع وهو التنورة فى وكالة الغورى، رقصة التنورة مصرية ذات أصول صوفية، وتلقى رواج واسع بين السياح العرب والأجانب على حد سواء، سعر التذكرة 5 جنيه.

دي مش كل أحداث الويك إند، تقدروا تلاقوا أكثر منها بـ يتم تحديثه يوميًا من أجندة كايرو 360، نتمنى لكم أجازة دافئة وسعيدة!