The Definitive Guide to Living in the Capital , Cairo , Egypt

كان نفسنا نقول لكم أن فيه حفلة أو حدث كبير بكرة بمناسبة عيد الأم علشان اللي عايز يخرَّج ست الحبايب ويفسحها في اليوم ده، بس غير أن مافيش حدث معين يستحق تسليط الضوء عليه، إحنا عارفين أن أنسب طريقة للاحتفال باليوم ده بـ تبقى قعدة حلوة في بيت العائلة واللي ربنا قدره وجاب هدية بـ يقدمها واللي ماقدرش بـ يعوضها لما تفرج، وحتى لو فيه خروج بـ يبقى في مطعم ظريف أو في مول مع شوية شوبنج حلوين.

النهاردة الخميس بـ يشهد إنطلاق النسخة الثالثة من مهرجان وسط البلد للفنون المعاصرة (دي كاف) وهو مهرجان متخصص في بعض أشكال الفنون غير التقليدية زي الفنون البصرية والرقص المعاصر ووعروض الشوارع والأماكن العامة، وفيه برنامج لعروض أفلام السينما وحفلات مزيكا ومسرحيات، وكلها بـ تبقى في أماكن في منطقة وسط البلد وما حولها. أجندة كايرو 360 هـ تغطي كل فعاليات المهرجان إن شاء الله، وممكن تعتمدوا عليها في معرفة المواعيد والأماكن.

في اليوم الافتتاحي هـ يبقى فيه حفل موسيقي لإسلام شيبسي وفرقة Skip&Die الهولندية، الحفلتين ورا بعض، فيهم موسيقى الهيب هوب وموسيقى عالمية وإلكترونية وشعبية طبعًا، سعر التذكرة 30 جنيه، وهـ تلاقيها في مسرح قصر النيل ومكتبة ديوان وعلى أبوب نادي شهرزاد اللي بـ تقام فيه الحفلة. 

وفي سينما مسرح راديو هـ يتم عرض الفيلم الوثائقي “اللي بيحب ربنا يرفع إيده لفوق” للمخرجة سلمى الطرزي ضمن فعلايات دي كاف، وهو بـ يتكلم عن قصة صعود فنانين الموسيقى الشعبية أو المهرجانات وبالتحديد أوكا وأورتيجا، سعر التذكرة 10 جنيه والدخول الساعة 8 مساءً. 

وفي نفس التوقيت هـ تلعب فرقة دروشة اللي بـ تقدم موسيقى البروجريسيف ميتال حفل في مكان بوسط البلد، والتذاكر بـ 30 و بـ 20 جنيه والحجز مهم قبل ما تروح. 

النهاردة ممكن تحضر العرض المسرحي “الفيل الأزرق” في بيت الرصيف في المعادي، من إعداد وإخراج آيات مجدي، وهو عن الرواية بنفس الاسم طبعًا لأحمد مراد سعر التذكرة 20 جنيه، لمزيد من المعلومات اتصل بــ 01005224291. 

وفيه حفل موسيقي غنائي للمغنى خانة في ساقية الصاوي مع أغنيات فولك مصرية في قاعة النهر، سعر التذكرة 20 جنيه للأعضاء ولغير الأعضاء. 

وفي مركز شبابيك حفل تاني لنغم صالح وأغنيات للشيخ إمام وبعض المؤلفات الأصلية، سعر التذكرة 20 جنيه، لمزيد من المعلومات اتصل بــ 01119189181 – 01099065086. 

يوم الجمعة ومرة تانية في إطار فعاليات مهرجان دي كاف يتم تقديم عرض كيوتو التجريبي لمصمم الرقصات العالمي بيلي كوي، العرض مسرحي راقص بعنوان فن الحركة وهـ يبقى في فندق فيينواز في وسط البلد، الدعوة عامة والدخول للجميع. 

في الساقية هـ يكون فيه حفل موسيقي لعلي الألفي..والشلة في قاعة الحكمة، سعر التذكرة 20 جنيه للأعضاء ولغير الأعضاء.

وضمن مهرجان دي كاف وفي شارع البورصة وأمام مبنى البورصة المصرية هـ يتم تقديم عرض راقص اسمه “حدود خفية” لفرقة ستوديو عزت عزت للرقص، الدعوة عامة، لمزيد من المعلومات اتصل بــ 0225923749 

في قاعة النهر في ساقية الصاوي هـ يبقى فيه حفل موسيقى ميتال بعنوان “Metal Blast”  بـ يضم عدد من الفرق، وبالمناسبة ده الاحتفال بعيد ميلاد مهرجان ميتال بلاست الثالث، وسعر التذكرة 50 جنيه للأعضاء ولغير الأعضاء. 

مش هـ نفكركم تاني أن بكرة عيد الأم، وأن أجندة كايرو 360 عليها شوية حاجات تنفع كخروجات وفسح حلوة في الويك إند، تابعونا ونشوفكم على خير كمان أسبوع..