The Definitive Guide to Living in the Capital , Cairo , Egypt

يمكن تكون
محتاج تتفرج كويس على المهندسين من الداخل عشان تقدر تشوف جمال الحي ده، بعيداً عن شكل عماراتها
اللي تقريباً بـ تبقى كلها زي بعض. المهندسين  حي عمره أكتر من 50 سنة، وإتسمى بالإسم
ده لانه في الأول كان مخصص لمساكن المهندسين، تبع نقابة المهندسين. وعلى
مدار الـ50 سنة اللي فاتت،  اتحولت لواحدة من أغلى المناطق بالنسبة
للعقارات على مستوى القاهرة كلها. ومع ذلك، المهندسين مش مجرد عقارات غالية وأنوار
مرور بشاشات عملاقة وبس، دي المهندسين كمان فيها محلات ومطاعم وكافيهات رائعة.

شوارع مليانة بالمحلات، منها
المميز واللي مش معروف ومنها الأسامي المعروفة قوي، سواء كانت عالمية أو محلية. وشارع
جزيرة العرب لوحده ده حكاية، ده واحد من أهم شوارع التسوق في المهندسين الصاخب، و
فيه تنوع غريب في أنواع المحلات. هناك هـ تلاقي محلات من أول الماركات العالمية
الغالية جداً زي: Tommy Hilfiger»»، «Massimo Dutti»، «Bebe»، و«Nautica». وهـ تلاقي برضه الماركات اللي أرخص منهم شوية زي «Bershka»، «Pull and Bear»، «OR» و«Mango». ومش بعيد عن دول هـ تلاقي في شارع أحمد عرابي محل «عمرافندي»،
وده بقى محل متكامل فيه كل حاجة ممكن تحتاجها من إكسسوارات، ملابس، أدوات منزليه
وكهربائية، وحتى الأثاث المنزلي. ولو بـ تدور على ملابس رياضية هـ تلاقي «Adidas»، «Nike»، «Reebok» و«Timberland» كلهم قريبين
من بعض في شارع لبنان. وفيه كمان «Sports Mall – سبورتس مول»
في شارع شهاب، وده فيه ملابس رياضية وكل أدوات الرياضة والصيد اللي ممكن تحتاجها بجودة
وأسعار مختلفة، و عنده حاجات أسعارها معقولة جداً.

أما بالنسبة للإلكترونيات
(أو لعب الولاد الكبار زي ما بـ يسموها) فـ المهندسين فيها كل اللي ممكن تتخيله في
المجال ده: «تريدلاين –Tradeline » اللي بـ يبيع الإلكترونيات الـ«آبل – Apple»، و«جيم فالي  – Game Valley» المتخصص في ألعاب
الكمبيوتر والبلاي ستيشن، وفروع «راديو شاك – Radio Shack» المنتشرة في
المهندسين كلها، ودي تقدر تشتري منها كل اللي يخطر في بالك زي كابلات، بطاريات،
أجهزة إلكترونية، إكسسوارات موبايلات، وغيره كتير. وفيه كمان «كومبيو مي Compu me –» في ميدان لبنان، وده محل متخصص في الكمبيوتر واللاب-
توب، والسماعات وغيره. وكمان ميدان سفنكس لوحده فيه 3 مولات للكمبيوتر جواهم محلات
صغيرة لأجهزة الكمبيوتر وصيانتها وإكسسواراتها.

حتى سلاسل الكافيهات الكبيرة زي «سيلانترو»،
«كوستا»، «بينوس»، و«سينابون»، كلهم موجودين في المهندسين. ولوزهقت من الكوفي شوب
العادية وعايز مكان تاكل فيه حاجة ممكن تجرب «فراتيلي – Fratelli»، وده كافيه ظريف،
غالي شوية لكن الجو العام فيه رائع، وفيه شيشة وتنوع في أصناف الأكل اللي بـ
يقدمها. «بو جاردن – Beau
Jardin» عنده أحلى شيشة و«مارش – Marsh» كافيه ممتاز
للعصير والفُرجة على ماتشات الكورة، و«إيروس – Eros» كمان مناسب
جداً خصوصاً لو عايز ترتب لـ خروجة جامدة أو عايز تحتفل فيه بمناسبة خاصة. و«كاراكاس
– Caracas»  من كافيهاتنا
المفضلة في منطقة المهندسين، ده
غير كمان «Retro»،
«Zinc»، «Cloud 9»  وكافيهات
تانية كتير. هـ تلاقي في المهندسين برضه محلات عصير هايلة ومعروفة، زي «جنة
الفواكه»، «توت إكسبرس» و«فرغلي».

أغلب مطاعم
القاهريين المفضلة بـ يبقى دايما ليها فروع في المهندسين، زي«Steakout» ، «Spectra»،
و«Roastery».
وفيها كمان أكتر من مطعم مأكولات بحرية: «قدورة»،
«سمكمك»، و«جندوفلي». ولو عايز تاكل حاجة من مطبخ عالمي بـ نرشحلك «إسنس – Essence»، مطعم الأكل
الباكستاني اللي فتح جديد، أو «باكسيز – Paxy’s» للمشويات الكورية، أو «سيدرز – Cedar’s» لأحلى أكل
لبناني. وفيه كمان «بوخاره – Bukhara»
للأكل الهندي، وعامةً هـ تلاقي الأكل الهندي شبيه جداً للأكل المصري.

و نرشحلك كمان «شاروود – Charwood» عشان عشوة أو غدوة محترمة، الستيك بتاعه لذيذ جداً والمكان ممتاز لخروجة رومانسية. و فيه جنبه
«كاندهار – Kandahar»
و«الروشة – Raoucha».
الأول فيه أكل هندي جميل والتاني بـ يقدم أكل لبناني في جو راقي وأنيق. و بالنسبة للسوشي
فـ هـ تلاقي «موري سوشي – Mori
Sushi» المشهور، و«مكاني» كمان له فرع صغير في شارع متفرع
من شارع «سوريا».

المهندسين
فيها مطاعم تاكل فيها براحتك، من غير ما تحمل هَّم الفاتورة ومنها «جاد» و«العمدة»،
و«التابعي الدمياطي» اللي من أحسن أماكن الفول والفلافل في القاهرة.

على عكس الزمالك والمعادي، المهندسين
مش حي مناسب خالص للتمشية، فلو محتاج تمارس رياضة ممكن تروح صالة جيم. هـ تلاقي في
شارع «سوريا» أول فروع جيم «سامية علوبة»، وجنبه فيه فرع للسيدات فقط فتح قريب. برضه
«جولد جيم – Gold’s Gym»
لسّه فاتح فرع جديد في شارع دمشق. وفيه «كرﭭز – Curves» جيم للستات بس
في شارع «لبنان». و فيه «هيلث أند فيتنس أكاديمي – Health and Fitness Academy»
للستات والرجالة. ولو عاوزة تستمتعي وترَوَقي نفسك جربي «لا روز سبا –La Rose Spa » أو «مانويلا
تاي – Manuela Thai Spa»
للمساج.

لو
رايح المهندسين الأفضل إنك تاخد تاكسي، الركنة في أغلب الأوقات بـ تبقى مستحيلة،
فإما انك هـ تقعد ساعات بـ تدور على ركنة، أو هـ تدفع كتيرعشان العسكري يفكلك
الكلبش!