The Definitive Guide to Living in the Capital , Cairo , Egypt

بعد زيادة أسعار تذاكر مترو أنفاق القاهرة أصبح الاشتراك هو الحل العملي والوحيد لطلاب المدارس والجامعات المصرية، واللي هيستخدموا المترو بشكل يومي في الوصول لمكان دراستهم، وفي الأيام الأخيرة، أعلنت شركة مترو الأنفاق، عن فتح باب الاشتراكات لطلاب المدارس والجامعات بتخفيض كبير جدًا.

واشتراكات الطلاب بيطلق عليها “اشتراكات ربع سنوية”، وبيوصل التخفيض فيها لـ 96.3٪ للمرحلة الواحدة لـ 8 محطات، وإلى 97.4% للمرحلتين لـ 16 محطة، وإلى 98.2%  للثلاث مراحل لـ 25 محطة، وإلى 97.7% لأربع مراحل لـ 39 محطة.

وفي السطور الجاية هنعرفكم على خطوات استخراج اشتراكات المترو:

1ـ اسحب استمارة الاشتراك من أي مكتب من مكاتب الاشتراكات الموجودة في الخطوط الثلاثة، أو تقدر تحملها من الموقع الإلكتروني لشركة المترو.

2ـ بتملى بيانات استمارة الاشتراك المتضمنة بياناتك الشخصية، ونوع الاشتراك المطلوب سواء كل 3 شهور أو سنوي.

3- بتقوم باعتماد استمارة الاشتراك من الكلية التابع لها، من خلال توقيع الموظف المسئول وختم شعار الجمهورية.

4ـ بيتم سداد 5 جنيه قيمة استمارة الاشتراك، والمبلغ المطلوب للاشتراك، وده في مكتب الاشتراكات في الجامعة أو المكاتب المخصصة لها في المترو.

5- بتجهز صورة بطاقة الرقم القومي، أو شهادة الميلاد، مع استمارة الاشتراك، وبتقدك مان صورتك الشخصية.

تلاقي فين مكاتب الاشتراكات في المترو؟

مكاتب الاشتراكات موجودة  فى عدد كبير من محطات المترو، في الخط الأول هتلاقيها في حلوان، عين حلوان، المعادي، دار السلام، الزهراء، أحمد عرابي، الشهداء، حدائق الزيتون، عين شمس، عزبة النخل، المرج، المرج الجديدة.

ومواعيدها بتكون من الساعة الثامنة صباحًا ولحد الساعة الرابعة عصرًا.

وفي الخط الثاني هتلاقي مكاتب الاشتراكات موجودة في محطات: “كلية الزراعة، المظلات، روض الفرج، مسرة، الشهداء 2، العتبة 2، الدقي، جامعة القاهرة، الجيزة، المنيب”.

ومواعيدها بتكون من الساعة الثامنة صباحًا ولحد الساعة الرابعة عصرًا.

أما في الخط الثالث، هتلاقي مكاتب الاشتراكات في محطات: “عدلي منصور، هليوبوليس، العباسية ، العتبة”.

ومواعيدها بتكون من الساعة الثامنة صباحًا ولحد الساعة الرابعة عصرًا.