The Definitive Guide to Living in the Capital , Cairo , Egypt

المصريين شعب مش مكلكع خالص، عمرنا ما بـ نطلب كثير وشايفين أننا بـ نقدر جمال الحاجات البسيطة فى حياتنا، ومافيش دليل على ده أكثر من الاختراع العجيب اللى اسمه “شيشة”. الإعجاب بفكرة الحوكا –زى ما بـ يقول الأمريكان– بـ يتحول لهوس. الشيشة مع ظهور نكهات جديدة مطرقعة –عندك نكهة اللبان الغريبة اللى شهرتها بـ تزيد يوم عن الثانى– أضافت للشيشة رونق وانتشرت فى طول القاهرة وعرضها.

عشاق الشيشة بـ يحبوا يطلبوا شيشتهم المفضلة فى الكافيهات واللاونج، جمعنا أربعة أماكن يضمنوا لك ليلة رمضانية هادئة بعيدة عن المشاكل.

 

139 لاونج & تراس – 139 Lounge & Terrace

139 مكان جديد على العملاق الفندقى، المينا هاوس، وكله سحر وإبداع. اللاونج نفسه محاط بنافورات وخضرة، ويعتبر مكان راقى مبهج لقضاء سهرة رمضانية متكاملة، لكن السحر الحقيقى بجد هو إطلالة الأهرامات.

 

بلدينا – Baladina 

المكان مش مشهور زى باقى قائمتنا، لكن الحقيقة أجواء بلدينا الريفية تعتبر كنز مدفون. مكانه فى مول أركان الشيخ زايد، وقدر الكافيه/ المطعم أنه يحافظ على شكل بسيط ونفس الوقت مطرقع.

 

كافيه ومطعم نجيب محفوظ

أنك تلاقى شوية هدوء وسكينة فى خان الخليلى مهمة مستحيلة، لكن طريقة نجيب محفوظ فى تقديم أفكار مبتكرة قدرت تصنع منه مكان هائل للاستمتاع بالشيشة والشاى. وسط حفلات موسيقى حية وكم رهيب من الحنين للماضى فى المكان.

 

ولعة – Wel3a 

طبعًا، ومين غيرهم؟ عمومًا، نجاح ولعة مستمر لريادته فى عالم الشيشة الحديثة. شهرته طوال السنة عند رواد المكان وسكان الزمالك، والسبب فرع أبو الفدا المطل على منظر نيلى رائع، مع تقديمه لنكهات شيشة متنوعة.