ذروة الموجة الحارة النهارده.. حر غير عادي في القاهرة وتحذير من الأرصاد!
أمطار سيناء الأرصاد الجوية الحرارة في الصعيد الطقس اليوم الموجة الحارة درجات الحرارة في القاهرة طقس القاهرة طقس مصر نصائح لتجنب الحر
Cairo 360
الصورة الرئيسية: Noppadon Manadee
القاهرة النهارده الخميس في ذروة الموجة الحارة اللي مؤثرة على معظم أنحاء البلاد. العظمى في الظل بتسجل حوالي 42 درجة على القاهرة الكبرى، ووجهت هيئة الأرصاد تحذير من أجواء شديدة السخونة على أغلب المناطق، بينما جنوب الصعيد يوصل لـ49 درجة. كمان فيه فرص لأمطار خفيفة ممكن تبقى متوسطة ورعدية أحيانًا على مناطق من وسط وجنوب سيناء، أجزاء من محافظة البحر الأحمر، وجنوب الصعيد.
الأجواء دي مستمرة لحد بكرة الجمعة، ومع بداية من السبت تبدأ الموجة تنكسر تدريجيًا على أغلب المناطق.
تفاصيل الطقس في القاهرة
– الحرارة النهارده عالية جدًا، والإحساس بيها بيزيد مع سطوع الشمس وفترات الظهيرة.
– يفضل تقليل المشاوير الخارجية وقت الذروة والاعتماد على الأماكن المكيفة أو المظللة قدر الإمكان.
– خلي بالك من الأطفال وكبار السن ومرضى الضغط والقلب، دول أكتر فئات بتتأثر بالحر.
مايفوتكش كمان: دليل النجاة من حر القاهرة… نصائح مهمة للتعامل مع الموجة الحارة
المناطق المعرضة للأمطار
– وسط وجنوب سيناء: أمطار خفيفة إلى متوسطة وقد تكون رعدية أحيانًا.
– محافظة البحر الأحمر: فرص أمطار خفيفة على بعض المناطق.
– جنوب الصعيد: أمطار خفيفة واردة مع استمرار الحرارة الشديدة.
امتى الموجة هتنكسر؟
– الخميس: ذروة الموجة.
– الجمعة: استمرار الأجواء الحارة جدًا مع تراجع طفيف.
– السبت: بداية الانكسار التدريجي على معظم المناطق ومنها القاهرة.
4 نصائح سريعة لتفادي أضرار الحرارة
تجنب التعرض المباشر للشمس خصوصًا وقت الذروة من الظهر للعصر.
اشرب مياه وسوائل باردة بشكل منتظم حتى لو مش حاسس بالعطش.
اختار ملابس قطنية فضفاضة فاتحة اللون.
استخدم قبعة أو شمسية لو اضطرّيت تبقى تحت الشمس مباشرة، وماتنساش واقي الشمس.
مقترح
الحياة في كايرو
عيش مغامرة فوق جبال القاهرة… استكشف الـ High Ropes في دير سمعان بالمقطم
Zip Line المقطم ألعاب High Ropes +6
صحة ولياقة
دليل النجاة من حر القاهرة… نصائح مهمة للتعامل مع الموجة الحارة
أجواء القاهرة الحارة التغير المناخي +6
أفلام
