“رحلة البحث عن عريس”.. الحكاية العجيبة لمسجد السبع بنات بالقاهرة
جامع البنات عنوان مسجد السبع بنات مساجد القاهرة التاريخية مسجد السبع بنات
Cairo 360
هنا القاهرة، وهنا مساجدها العظيمة، وهنا الحكايات المدهشة للمساجد دي. ومسجد السبع بنات هو واحد من أهم الأضرحة بوسط القاهرة، بيضم تحت صحنه المكشوف رفات بنات الأمير المملوكي عبد الغني الفخري وعددهن سبع بنات. والضريح كان وما زال مزار لكتير من المصريين البسطاء، اللي مؤمنين إن زيارة المسجد ده تحديدًا هي الحل النهائي للعنوسة أو تأخر الإنجاب!
بيزيد عمر المسجد ده علي 600 سنة، وهو تحفة معمارية رائعة التصميم، كل ركن فيه بيحكي حكاية بنت بسيطة كانت حزينة من تأخر زواجها ونفسها تلاقي عريس كويس، أو سيدة بتحلم يكون عندها صبيان وبنات.
سر المعتقدات الشعبية المتعلقة بالمسجد ده، بترجع إلي قصة الأمير المملوكي عبد الغني الفخري صاحب المسجد واللي قام ببنائه سنة 1418م، وكان عنده سبع بنات أصابهن الطاعون وهن عذارى، واتدهورت صحتهن تدهور شديد لحد موتهن دفعة واحدة، ودفن الأمير بناته السبع العذارى بعد موتهن في صحن المسجد ده.
والأمير عبد الغني الفخري من أصل أرمني، اتربي وتعلم وتدرج في عدد من الوظائف المهمة في مصر، منها على سبيل المثال ولايته علي الحدود المصرية الشامية خلال حكم الناصر بن برقوق.
انتهى لأمير عبد الغني الفخري من بناء المسجد في سنة 1418م، وتوفي بعد بناء المسجد بشهرين بس!
إزاي توصل لمسجد السبع بنات؟
أقرب محطة مترو: العتبة.
الموقع: بيقع المسجد في تقاطع شارع بورسعيد مع شارع الأزهر بوسط القاهرة.
مقترح
الحياة في كايرو
انبساط وراحة نفسية.. خروجات في القاهرة لعشاق التأمل
التأمل في القاهرة تغيير مود الشغل +2
الحياة في كايرو
