The Definitive Guide to Living in the Capital , Cairo , Egypt

الحياة في كايرو

زيادة الأتوبيسات ومد ساعات العمل.. “النقل العام” بالقاهرة بتستعد لعيد الأضحى

أتوبيسات النقل العام القاهرة النقل العام في القاهرة عيد الأضحى 2022 مواصلات القاهرة مواعيد الأتوبيسات في العيد
زيادة الأتوبيسات ومد ساعات العمل.. “النقل العام” بالقاهرة بتستعد لعيد الأضحى
    بواسطة
    Mohamed Talaat

     أيام ويهل علينا عيد الأضحى 2022. المناسبة الجميلة اللي بنخرج فيها لأجمل حدائق وأماكن القاهرة، وكمان بنزور أهالينا علشان نهنيهم بالعيد، علشان كدة أتوبيسات النقل العام بيكون لها دور كبير في تسهيل انتقالنا في القاهرة بمبلغ معقول مقارنة بخدمات النقل الخاصة اللي بتكون مكلفة بالنسبة لناس كتير.

    تعالوا نتعرف من خلال 6 نقاط فيهم الخلاصة على خطة هيئة النقل العام بالقاهرة لأيام عيد الأضحى 2022.

    1 – مؤخرًا، أعلن محافظ القاهرة اللواء خالد عبد العال عن خطة تشغيلية لهيئة النقل العام هتناسب احتياجات المواطنين في فترة عيد الأضحى هتتضمن زيادة عدد الأتوبيسات وتقليل زمن التقاطر بينها خلال فترة العيد، بهدف منع التكدس والزحام.

    2 – الخطة بتشمل تكثيف الخطوط اللي بتخدم المناطق الترفيهية زي الحدائق والمنتزهات والأماكن السياحية اللي بتشهد إقبال من المواطنين فى العيد، ومنها القناطر الخيرية والحدائق الكبرى والأهرامات.

    3 – هيئة النقل العام أكدت إنها هتقوم بتوفير خدمات النقل العام في جميع أنحاء القاهرة خاصة في المناطق اللي بيتردد عليها المواطنين.

    4 – تم تجهيز كل السيارات التابعة للهيئة ومراجعة حالتها الفنية ومظهرها العام ونظافتها من الداخل والخارج، وهيضاف لأسطول الهيئة الحالي عدد من السيارات الجديدة بهدف تقديم خدمة مميزة للمواطنين خلال أيام العيد.

    5 – غرفة العمليات بالهيئة أعلنت إنها هتشتغل طول العيد علي مدار 24 ساعة لمواجهة أي حالات طارئة متعلقة بالتشغيل.

    6 – هيتم مد عمل جميع أتوبيسات الهيئة علشان تبدأ الساعة 6 صباحًا وهيكون موعد آخر رحلة الساعة 2 صباحًا.

     

    كل سنة وأنتم طيبين يا أهل القاهرة، بنتمنى لكم عيد أضحى سعيد!

    مقترح