The Definitive Guide to Living in the Capital , Cairo , Egypt

الحياة في كايرو

سعر التذكرة 7,35 مليون جنيه.. مصر هتنظم أول رحلة سياحية للفضاء

أول رحلة مصرية للفضاء رحلات سياحية للفضاء سياحة مصرية مصر في الفضاء
سعر التذكرة 7,35 مليون جنيه.. مصر هتنظم أول رحلة سياحية للفضاء
    بواسطة
    Mohamed Talaat

    المنافسة في مجال السياحة مابقتش مقتصرة بس على حدود كوكب الأرض، ودخل مجال تنظيم الرحلات السياحية للفضاء اللعبة، وفي سابقة بتعتبر الأولى من نوعها، أعلنت شركة سياحة مصرية عن تنظيم أول رحلة فضائية في مصر، وبكده هتنضم مصر لأفواج السياحة الفضائية، اللي بتوصل للفضاء عن طريق شركة “فيرجين جالاكتيك” البريطانية للفضاء الخارجي.

    وقالت شركة السياحة المصرية، في إعلان على موقعها الإلكتروني، إن التكاليف النهائية للرحلة الفضائية هتكون حوالي 7,35 مليون جنيه مصري (467.5 ألف دولار أمريكي)، بعد ما الشركة قدمت تخفيض قيمته 50 ألف جنيه مصري.

    وبحسب الإعلان، الرحلة هتبدأ بإطلاق سلس على مدرج للطائرة الحاملة لطائرة الفضاء التابعة لشركة فيرجين جالاكتيك، وعلى ارتفاع حوالي 45 ألف قدم (13700 متر). وهتشغل الطائرة محركها الصاروخي بعد انفصالها عن الطائرة الحاملة.

    بعد كدة، هيقوم الطيارين بقيادة المركبة للفضاء، وبعد الوصول للفضاء هتتغير الألوان خارج النافذة من الأزرق للنيلي ثم الأسود.

    وخلال الرحلة الفضائية، وعلى ارتفاع 300 ألف قدم (91440 متر)، هيقدر المسافر يختبر انعدام الوزن، وهيقدر يشوف كوكب الأرض من 17 نافذة، مع وجود 16 كاميرا لتسجيل كل لحظات الرحلة دي.

    وأعلنت الشركة المصرية عن 5 مواعيد هيقدر الراغبين التسجيل فيهم، وده خلال أشهر يوليو وسبتمبر وديسمبر من عام 2022، ويناير ومايو من عام 2023.

    رحلة سعيدة يا مصريين!

    مقترح