The Definitive Guide to Living in the Capital , Cairo , Egypt

الحياة في كايرو

شجرة الزمالك.. حكاية ذكريات جذورها في قلب القاهرة

التين البنغالي الخديوي إسماعيل الفيكس البنجالنس القاهرة شجرة الزمالك شجرة الزمالك الخديوية
شجرة الزمالك.. حكاية ذكريات جذورها في قلب القاهرة
بواسطة
Omar Abd-elmaqsoud

في منتصف واحد من أهدى وأنظف شوارع القاهرة، والموجود تحديدًا في واحد من أرقى أحياء العاصمة.. حي “الزمالك”.. وقريب من برج القاهرة، هتلاقوا شجرة ضخمة، كل فرع فيها أقرب لشجرة مستقلة بذاتها، والجميل في شكلها كمان إن فروعها لفت على بعضها، وبقت جدايل ليها هيبة وجمال، وكإنها مرسومة.. أكيد عرفتوها.. بنتكلم عن شجرة الزمالك الشهيرة، تعالوا بينا نعرف حكايتها.

من أكتر من 150 سنة تقريبًا، وتحديدًا سنة 1868م أصدر الخديوي إسماعيل قرار بجلب مجموعة من أشجار “الفيكس البنجالنس” أو “التين البنغالي” من الهند، علشان تتزرع في مناطق مختلفة في القاهرة والجيزة، وكان الهدف هو تزيين شوارع القاهرة وظهورها بمظهر جمالي وحضاري، وللأسف مع الزمن بقت “شجرة الزمالك” آخر شجرة من المجموعة دي، ويمكن من هنا جت شهرتها.

مع الوقت بقى فيه زوار ومعجبين وكمان أصدقاء للشجرة، ومش بس مصريين، ده كمان في سياح بييجوا ليها مخصوص، ومنهم اللي بييجي يتصور معاها، ومنهم اللي بييجي يسجل ذكرياته عليها، ويمكن بسبب شهرتها بقت مكان مثالي ورائع للقطات فرحة عرسان جداد، أو لوكيشن لفوتو سيشن لمصممين الأزياء.

بعد ما عرفتوا حكاية “شجرة الزمالك”.. يا ترى ليكم ذكريات معاها؟

مقترح