The Definitive Guide to Living in the Capital , Cairo , Egypt

الحياة في كايرو

شوبينج ومطاعم وسينمات وأكتر.. 5 مولات في القاهرة لخروجة ماتتنسيش

أجمل مولات القاهرة خروجات المول خروجات في القاهرة مولات القاهرة
شوبينج ومطاعم وسينمات وأكتر.. 5 مولات في القاهرة لخروجة ماتتنسيش
    بواسطة
    Cairo 360

    رنا شرف

    مع ارتفاع درجات الحرارة الأيام دي، فيه ناس كتير بتفضل تكون في مكان مكيف علشان تحمي نفسها من الحر، خصوصًا في ساعات النهار. طيب لو نفسك تخرج في نهار الصيف من غير ما تتعرض لمخاطر الشمس الشديدة تروح فين؟

    إحنا جمعنا لكم قائمة بـ5 مولات مميزة هتساعدكم تتحدوا الحر وفي نفس الوقت هتخليكم تخرجوا وتنبسطوا.

    والحقيقة خروجة المول خروجة جميلة ومناسبة لناس كتير، يعني هتقدر تعمل شوبينج وتدخل سينما وتشتري كتب أو تقعد في كافيه مريح أو تطلب أكل من مطعم في منطقة الفود كورت، وحتي ملاهي الأطفال موجوة في المول!

    تعالوا نشوف أجمد 5 مولات معانا.

     

    طلعت حرب.. نجم وسط البلد

    مول صغير مش كبير بس مسيطر في منطقة حيوية وجميلة هي وسط البلد، محلات اللبس الشبابي هي الأكتر في المول ده، لكن فيه كمان محلات هدايا ومطاعم جميلة بأسعار معقولة في الدور الأرضي.

    المول لازم يكون ضمن خطتك لو قررت تنزل تتمشى في وسط البلد.

     

    سيتي ستارز.. الأشهر في القاهرة

    مول سيتي ستارز في منطقة مدينة نصر مشهور مش بس في مصر كمان في العالم العربي، ومعظم العرب بيحبوا يزوروه عشان المول فعلًا من أقدم المولات وفيه كل أو معظم الماركات والمطاعم المشهورة، والخروجة دي مناسبة أكتر للشباب والعائلات.

    المول مش بس فيه كل مصادر الترفيه من محلات ومطاعم وكافيها وغيره. ده كمان فيه خدمات حكومية تقدر تنجزها بسرعة شديدة وتكمل استمتاع بالمول.

    مول مصر.. الأحدث في أكتوبر

    مول كبير وبيعتبر أضخم وأحدث مول في مدينة 6 أكتوبر، وهو موجود في منطقة جميلة بعد دريم لاند وأمام مدينة الإنتاج الإعلامي.

    المول فيه كل حاجة ممكن تكون عاوزها في خروجة حلوة، محلات وسينمات ومطاعم وملاهي للأطفال وأماكن خدمات حكومية وأكتر.

     

    ألماظة.. مول مصر الجديدة

    من المولات الحلوة كمان في منطقة جميلة وعريقة في القاهرة، وهي مصر الجديدة، المول  كبير وحلو وفيه حاجات كتير ممكن تعملها، ولأنه كبير ممكن تتمشي فيه كنوع من أنواع الرياضة.

     

    كايروفيستيفال مول.. أحلى مكان في التجمع

    من المولات الضخمة في منطقة التجمع، وفيه كل حاجة ممكن تتخيلها، وبيتميز بوجود كافيهات ومطاعم ومحلات فيها ملابس من أغلب الماركات العالمية.

    المول هيناسب كل الشباب والعائلات وهتقدروا تشموا فيه وأنتم حاسين بأمان كبير.

    مقترح